Revizyon Pour Lekol Minister Teokratik

Revizyon avek liv fermen, pour bann matyer ki’n ganny trete dan bann ekspoze Lekol Minister Teokratik depi semenn le 2 Septanm ziska le 23 Desanm, 2002. Reponn lo en papye separe, otan kestyon ki ou kapab dan lespas letan ki’n ganny akorde.

[Not: Pandan revizyon ekrir, servi zis Labib pour reponn bann kestyon. Bann referans ki’n donnen apre sak kestyon, i pour ou resers personnel. Pour bann referans avek Latour Veyer, nimero paz ek paragraf pa touzour ganny endike.]

Reponn Vre oubyen Fo apre bann fraz swivan:

1. Kan nou medit lo bann kalite merveye Zeova, sa i en pa enportan pour nou apros pli pre avek li. (Ps. 143:5) [w00 15/10 p. 4 par. 6]

2. Ezekyel 37:15-24 i koz konsernan zwenn de baget ansanm. Sa i annan en laplikasyon dan nou letan, kan an 1919 bann Kretyen swazir ki fidel ti zwenn ansanm anba direksyon Kris, zot “lerwa” ek “berze.” [Lektir Labib lasemenn; vwar w88 15/9 p. 25 par. 13.]

3. I annan plizyer kritik lo Labib ki’n kestyonn valer istorik ki liv Danyel i annan. Me bann lafouy arkeolozik ki’n ganny fer, in prouve ki sa ki zot in dir i totalman fo. [si p. 138 par. 4]

4. Kan sa ki nou tande i sorti kot en sours ki paret pli siperyer oubyen kot en dimoun ki dir i annan en gran konnesans, napa okenn rezon valab pour dir ki sa lenformasyon i fo. [w00 1/12 p. 29 par. 7-8]

5. Sa lekspresyon “bann profet miner” i dekrir sa 12 dernyen liv dan Lekritir Ebre konman mwen enportan. [si p. 143 par. 1]

6. Amos ti enn parmi “garson bann profet” kan Zeova ti apel li e anvoy li pour profetiz avek Zida ek Izrael. (2 Rwa. 2:3) [si p. 148 par. 1]

7. Obadya sapit 16 i predir disparisyon pep Edomit akoz zot laenn pour Zida. (Obad. 12) [Lektir Labib lasemenn; vwar bwat dan w89 15/4 p. 30.]

8. Sa “langaz pir” ki Tsefanya 3:9 i koz lo la i enkli en bon konprenezon lo laverite konsernan Bondye ek son plan. [Lektir Labib lasemenn; vwar w01 15/2 p. 27 par. 18.]

9. Zezi ti santi bokou presyon dan zarden Zetsemane. Rezon pour sa se akoz i ti pe mazinen ki mannyer son lanmor konman en kriminel ti pou afekte Zeova ek Son non sen. (Mat. 26:38; Lik 22:44) [w00 15/11 p. 23 par. 1]

10. Sa “Filisten” ki vin “parey en sef an Zida” ki ganny dekrir dan Zekarya 9:6, 7, pe dekrir dan en fason profetik bann manm lezot mouton ozordi ki ganny enstri par ‘lesklav fidel e pridan’ e ganny lotorite neseser. (Mat. 24:45) [Lektir Labib lasemenn; vwar w95 1/7 p. 23 par. 14.]

Reponn sa bann kestyon swivan:

11. Ki mannyer nou responsabilite pour prese i kapab ganny konpare avek responsabilite Ezekyel konman en veyer? (Ezek. 33:1-11) [Lektir Labib lasemenn; vwar w88 1/1 p. 28 par. 13.]

12. Ki konparezon konsernan bann lezo sek dan vizyon Ezekyel ki ti evidan dan nou letan? (Ezek. 37:5-10) [Lektir Labib lasemenn; vwar w88 15/9 p. 24 par. 12.]

13. Ki sa laprev pli konvenkan ki montre ki liv Zekarya in ganny enspire par Bondye? [si p. 169 par. 5]

14. Ki sa lavil dan vizyon Ezekyel i reprezante? (Ezek. 48:15-17) [Lektir Labib lasemenn; vwar w99 1/3 p. 18 par. 22.]

15. Ki mannyer nou kapab servi Izai 2:2-4 pour montre ki bann levennman ki pe arive an Izrael ozordi pa pe spesifikman akonpli bann profesi Labib? [rs-E p. 223 par. 3; rs-F p. 217 par. 2]

16. Lerwa ti donn en lord ki okenn lapriyer pa devret ganny fer avek okenn bondye oubyen zonm eksepte avek li pour 30 zour. Ki leson nou kapab aprann lo fason ki Danyel ti reazir anver sa lord? (Dan. 6:7-10) [Lektir Labib lasemenn; vwar dp p. 125 par. 25-8.]

17. Ki mesaz Zeova sa restan Kretyen swazir pe proklanmen, ki’n fer zot vin parey en lyon parmi bann nasyon? (Mik. 5:8) [Lektir Labib lasemenn; vwar w81 15/7 p. 23 par. 10.]

18. Ki savedir sa lekspresyon “avek son prop baton ou ti pers latet son bann gerye,” dan Abakouk 3:14? [Lektir Labib lasemenn; vwar w00 1/2 p. 22 par. 15; w81-E 1/8 p. 29 par. 6-7; w81-F 1/11 p. 29.]

19. An servan sa mo “probableman” dan Tsefanya 2:3, ki sa i endike? [Lektir Labib lasemenn; vwar w01 15/2 p. 19 par. 8.]

20. Dapre Zekarya 8:6, depi 1919, ki mannyer Zeova in akonplir sa ki ti paret difisil dapre pwennvi imen? [Lektir Labib lasemenn; vwar w96 1/1 p. 16 par. 18-19.]

Konplet sa bann fraz swivan:

21. Nou koz avek Zeova atraver _________________________ , ki en kominikasyon avek Bondye ki form par nou ladorasyon; an retour, mwayen prensipal ki i koz avek nou se atraver son _________________________ . (Ps. 65:2; 2 Tim. 3:16) [w00 15/10 p. 5 par. 2-3]

22. Zezi Kri i kapab ganny idantifye konman Misel (oubyen Mikael) letan nou konpar Zid 9 avek 1 Tesalonisyen 4:16. Lord ki Zezi Kri i donnen pour rezireksyon konmanse i parey “ _________________________ ” deplis, sa non Misel i vedir “ __________________________________________________ ” ki endike ki Zezi i premye pour defann souvrennte Zeova e pour detrir bann lennmi Bondye. [rs-E p. 218 par. 1-2; rs-F p. 211 par. 4-p. 212 par. 1]

23. “Deklarasyon sa parol pour reetablir e rebatir Zerizalenm” ti ariv an _________________________ , ki ti mark konmansman sa 69 semenn lannen, ki ti termin avek laparisyon Mesi an _________________________ . (Dan. 9:25) [Lektir Labib lasemenn; vwar dp p. 190 par. 20–​p. 191 par. 22.]

24. Yoel 2:31, ki dir ki soley pou sanz an teneb, i ganny konpare avek Matye 24:29, 30, kot _________________________ i dekrir son larive konman Fis-de-Lonm avek _________________________ . [si-E p. 147 par. 13; si-F p. 148 par. 13.]

25. Profesi _________________________ konsernan Lasiri ek son kapital, _________________________ , i loue lazistis ek siperyorite Zeova e i donn nou konfyans ki Zeova pou revanze lo tou bann mesan. [si p. 160 par. 11]

Souliny larepons ki byen dan sa bann deklarasyon swivan:

26. Liv Ezekyel i aksantye ki Zeova i (zenere; annan limilite; sen) e i fer konnen ki (devlopman nou personnalite; sangtifikasyon non Zeova; vin en bon vwazen) i pli enportan ki nenport lezot keksoz. [si-E p. 137 par. 33; si-F p. 138 par. 33]

27. Ezekyel, ki ti viv dan menm letan avek Danyel, i konfirmen ki Danyel ti en vre personnaz, e i mansyonn li ansanm avek (Noe ek Zob; Moiz ek Zozye; Eliya ek Elisa). [si p. 138 par. 2]

28. An armoni avek Danyel 2:34, 35, 45, sa ros ki tap e kraz sa zimaz i reprezant (Armagedon; bann mesaz zizman sever ki ganny proklanmen par pep Bondye; sa Rwayonm Mesyanik). [si-E p. 142 par. 20, 23; si-F p. 142 par 20; p. 143 par. 23]

29. Sa nasyon sotrel senbolik dan Yoel 1:4-6 i reprezant (nasyon Izrael; bann Kretyen swazir; bann larme Romen). (Akt 2:1, 14-17) [Lektir Labib lasemenn; vwar w98 1/5 p. 9 par. 9.]

30. “Rwayonm son Garson byenneme” ki ganny mansyonnen dan Kolosyen 1:13 i (sa Rwayonm Mesyanik; dominasyon Kris lo kongregasyon Kretyen depi Lapannkot lannen 33 N.L.; sa Renny Milener Kris). [rs-F p. 232 par. 4; rs-E p. 341 par. 4]

Asosye sa bann verse avek sa bann fraz swivan:

se. 6:6; Yoel 2:32; Zeka. 4:6, 7; 13:3; Rom. 12:2

31. Nou pa devret les bann standar nou kiltir oubyen sa monn enfliyans nou fason panse. [w00 1/11 p. 21 par. 5]

32. Sa ki fer plezir Bondye, se pa en kantite sakrifis ki ganny ofer zis konman en routin, me bann aksyon pouse par lanmour fidel ki baze lo konnesans ki nou annan lo li. [Lektir Labib lasemenn; vwar si p. 145 par. 16.]

33. Konnen, respekte, e depann lo sa dimoun ki port sa non divin i esansyel pour delivrans. [Lektir Labib lasemenn; vwar bwat dan w89 15/3 p. 30.]

34. Plan Bondye i ganny akonpli, pa akoz okenn lafors imen, me par mwayen son lespri, ki permet son bann serviter pour sirmont bann gro lobstak e pour andire dan servis Bondye. [si-E p. 169 par. 2; si-F p. 168 par. 2]

35. Fidelite ki en mark lorganizasyon Zeova i depas tou relasyon imen, tel parey bann ki nou annan avek fanmiy pros. [si p. 171 par. 24]