Lanons
◼ Piblikasyon pour ofer an Zanvye: Ofer nenport liv pibliye avan 1988 ki kongregasyon i kapab annan dan stok. Si kongregasyon napa sa bann piblikasyon dan stok, silvouple vwar si lezot kongregasyon i annan en sirplis sa bann piblikasyon ki ou kapab servi. Bann kongregasyon ki napa sa bann liv i kapab ofer liv L’humanité à la recherche de Dieu. Fevriye: Draw Close to Jehovah. Si sa piblikasyon pa disponib, ou kapab osi ofer Isaiah’s Prophecy—Light for All Mankind 1 ek 2, depandan lo stok kongregasyon oubyen Revelation—Its Grand Climax At Hand! Mars: Konnesans Ki Anmenn ver Lavi Eternel. En zefor spesyal pou ganny fer pour konmans letid Labib kot lakour. Si bann dimoun i deza annan sa piblikasyon, ofer liv Sekre pour en Fanmiy ere an Kreol Seselwa. Avril: Latour Veyer ek Réveillez-vous! Kan pe fer retourn vizit bann dimoun enterese, vizit osi bann ki asiste Memoryal ouswa lezot levennman teokratik me ki pa pe asosye avek lorganizasyon. Nou kapab ofer sa liv Ador Bondye. Nou devret fer tou zefor posib pour konmans en letid Labib, sirtou si sa bann dimoun in deza etidye liv Konnesans ek brosir Ekspekte.
◼ Konmansman semenn le 15 Mars, 2004, nou pou etidye liv Sekre pour en Fanmiy ere dan Letid Liv Kongregasyon.
◼ Apartir Fevriye, e pa plitar ki le 7 Mars, nouvo diskour piblik sirveyan rezyonal pou annan pour tit “Ki bann Prensip ki ou apresye?”
◼ Bann kongregasyon i devret fer laranzman pour obzerv Memoryal pour sa lannen, Dimans le 4 Avril, apre soley kouse. Menm si diskour i kapab konmans pli boner, bann lanblenm pa devret konmans pase avan soley kouse. Vwar avek bann lotorite lokal pour determin ler ki soley pou kouse dan ou rezyon. Vi ki pou napa renyon apard ki randevou predikasyon sa zour, bann laranzman apropriye i devret ganny fer pour ki Letid Latour Veyer i ganny fer en lot zour. Bann sirveyan rezyonal pou bezwen aziste zot progranm pour sa semenn dapre sirkonstans lokal. Menm si i ti a pli bon ki sak kongregasyon i obzerv son prop Memoryal, sa i kapab pa toultan posib. Kot i annan plizyer kongregasyon ki servi menm Lasal Rwayonm, petet serten i kapab servi en lot fasilite pour sa zour. Kot i posib, nou sizer en minimonm 40 minit ant bann progranm pour ki tou dimoun i kapab benefisye plennman atraver sa lokazyon. Konsiderasyon i devret osi ganny pran pour kondisyon trafik ek parking, enkli laranzman pour anmenn e al sers bann frer ek ser. Konsey bann ansyen i devret deside ki laranzman ki pou pli meyer lokalman.
◼ Bann frer ki okip kont kongregasyon i ganny rapele ki bann donasyon ki ganny mete dan bwat pour Travay Mondyal e pour Fon Lasal Rwayonm i devret ganny met dekote sak mwan e i pa devret ganny servi pour pey lón Lasal Rwayonm ouswa pour okenn lezot depans kongregasyon.