Revizyon Pour Lekol Minister Teokratik

Sa bann kestyon swivan pou ganny egzaminen oralman dan Lekol Minister Teokratik pandan semenn le 30 Out, 2004. Sirveyan lekol pou kondwir en revizyon 30 minit baze lo lenformasyon ki’n ganny trete dan bann ekspoze depi semenn le 5 Zilyet ziska le 30 Out, 2004. [Not: Kot napa referans apre kestyon, ou pou bezwen fer ou prop resers pour trouv larepons.—Vwar liv Lekol Minister, p. 36-7.]

PWEN LANSENNYMAN

1. Ki mannyer nou kapab eksplik rezon pour nou lesperans “avek labonte ek respe”? (1 Pyer 3:16) [be p. 192 par. 2-4]

2. Akoz i enportan pour koz avek konviksyon? (Rom. 8:38, 39; 1 Tesa. 1:5; 1 Pyer 5:12) [be p. 194]

3. Konman demontre konviksyon? [be p. 195 par. 3–p. 196 par. 4]

4. Kisisa bon zizman, akoz i enportan e konman nou kapab annan en bon zizman e anmenmtan ferm? (Rom. 12:18) [be p. 197]

5. Ki en dimoun ki annan bon zizman pou pran an konsiderasyon avan i koze? (Prov. 25:11; Zan 16:12) [be p. 199]

EKSPOZE NO. 1

6. Ki mannyer nou konversasyon ek nou labitid pour etidye Labib i kapab endik lakantite progre ki nou’n fer dan laverite? [be p. 74 par. 3–p. 75 par. 2]

7. Ki savedir ‘servi byen tou bann lokazyon ki prezant devan nou,’ e konman nou kapab fer sa? (Efe. 5:16) [w02 15/11 p. 23 (Angle/Franse)]

8. Konman Labib i fer kler ki tou dimoun i egal devan Bondye e ki lefe sa i annan lo nou predikasyon? [w02 1/1 p. 3, 5]

9. Ki sa non Zeova, ki zis nou Kreater ki annan i vedir? [w02 15/1 p. 5 (Angle/Franse)]

10. Kwa ki ti fer sakrifis Abel ‘pli meyer’ ki pour Kaen, e ki leson nou kapab aprann lo fason ki nou “rann glwar Bondye”? (Ebr. 11:4; 13:15) [w02 1/2 p. 19-20 par. 6-8]

LEKTIR LABIB LASEMENN

11. Ki mannyer Levitik 18:3 i ed nou pour pa les nou pwennvi lo sa ki byen ek mal ganny deformen? (Efe. 4:17-19) [w02 1/2 p. 29]

12. Dan en mannyer profetik, ki sa “de dipen” ki ti ganny prezante par gran pret konman “en lofrann” pandan Lafet bann Semenn (Lapannkot) ti reprezante? (Lev. 23:15-17) [w98 1/3 p. 13 par. 21 (Angle/Franse)]

13. Dan ka adilter, tel parey sa enn ki Nonm sapit 5 i koz lo la, dan ki sans “lazanm” en madanm ki koupab ti pou “deperir”? (Nom. 5:27) [w84 15/4 p. 29 an Angle, w84 15/7 p. 29 an Franse]

14. Akoz Miryam ek Aaron ti koz kont Moiz ek son madanm ki ti en Kousit? (Nom. 12:1)

15. Kwa sa “liv Lager Zeova”? (Nom. 21:14)