Lanons
◼ Piblikasyon pour ofer an Zanvye: Ofer nenport liv pibliye avan 1988 ki kongregasyon i kapab annan dan stok. Si kongregasyon napa sa bann piblikasyon dan stok, silvouple vwar si lezot kongregasyon i annan en sirplis sa bann piblikasyon ki ou kapab servi. Bann kongregasyon ki napa sa bann liv i kapab ofer liv L’humanité à la recherche de Dieu. Fevriye: Apros avek Zeova. Mars: Kontinyen veye! Si dimoun i montre lentere, entrodwir liv Konnesans avek zefor pour konmans en letid Labib. Avril: Latour Veyer ek Réveillez-vous! Kan pe fer retourn vizit, vizit osi bann ki asiste Memoryal ouswa lezot levennman teokratik me ki pa pe asosye avek lorganizasyon. Nou kapab ofer sa liv Ador Bondye. Nou devret fer tou zefor posib pour konmans en letid Labib, sirtou si sa bann dimoun in deza etidye liv Konnesans ek brosir Ekspekte.
◼ Apartir Fevriye, e pa plitar ki le 6 Mars, nouvo diskour piblik sirveyan rezyonal pou “Azir avek Lasazes dan en Lemonn ki’n perdi Rezon.”
◼ Bann kongregasyon i devret fer bon laranzman pour obzerv Memoryal pour sa lannen, Zedi le 24 Mars, apre soley kouse. Menm si diskour i kapab konmans pli boner, bann lanblenm pa devret konmans pase avan soley kouse. Vwar avek bann lotorite lokal pour konnen ki ler soley pou kouse dan ou rezyon. I ti a pli bon si sak kongregasyon i obzerv son prop Memoryal. Me sa i kapab pa toultan posib. Kot i annan plizyer kongregasyon ki servi menm Lasal Rwayonm, petet serten i kapab servi en lot fasilite pour sa zour. Kot i posib, nou sizer en minimonm 40 minit ant bann progranm pour ki tou dimoun i kapab benefisye plennman atraver sa lokazyon. Konsiderasyon i devret osi ganny pran pour kondisyon trafik ek parking, enkli laranzman pour anmenn e al sers bann frer ek ser. Konsey bann ansyen i devret deside ki laranzman ki pou pli meyer lokalman.
◼ Nou pou egzamin sa video David—He Trusted in God dan Nou Minister Rwayonm Mars. Sa video i disponib zis lo DVD ki annan pour tit Noah Walked With God—David Trusted in God. Ou kapab swazir ant wit langaz lo sa disk—Angle, Franse, Alman, Italyen, Zaponnen, Portige (Brezilyen), Ris, ek Espanyol. Ou kapab rekomann kopi sa DVD atraver kongregasyon avek prosenn demann piblikasyon.