Lanons
◼ Piblikasyon pour ofer an Mars: Kontinyen veye! Si dimoun i montre lentere, entrodwir liv Konnesans avek zefor pour konmans en letid Labib. Avril ek Me: Latour Veyer ek Réveillez-vous! Kan pe fer retourn vizit, vizit osi bann ki asiste Memoryal ouswa lezot levennman teokratik me ki pa pe asosye avek lorganizasyon. Nou kapab ofer sa liv Ador Bondye. Nou devret fer tou zefor posib pour konmans en letid Labib, sirtou si sa bann dimoun in deza etidye liv Konnesans ek brosir Ekspekte. Zen: Ofer liv Learn from the Great Teacher, e si sa bann dimoun napa zanfan, ofer brosir Ekspekte. Fer en zefor pour konmans bann letid Labib.
◼ Bann kongregasyon i devret distribye bann dernyen nimero Latour Veyer ek Réveillez-vous! osito ki zot resevwar. Sa pou permet bann proklanmater lir bann lartik avan zot ofer bann magazin dan predikasyon. Nou Minister Rwayonm i devret osi ganny distribye avek bann proklanmater osito ki zot arive. I kapab ganny distribye dan Letid Liv Kongregasyon.
◼ Ler ou fer plan pour al vakans dan en lot pei e ou pe mazinen pour asiste bann renyon, oubyen en lasanble, ou kapab ganny lenformasyon konsernan dat, ler, ek landrwa si ou kontakte biro brans ki pe okip travay dan sa pei. Bann ladres biro brans i lo dernyen paz Annuaire pour sa lannen.
◼ Bann sekreter kongregasyon i devret gard en stok bann form Application for Regular Pioneer Service (S-205) ek Application for Auxiliary Pioneer Service (S-205b). Zot kapab ganny rekomande lo form Literature Request (S-14). Gard en stok pour fourni omwen enn an.
◼ Memoryal pou fer Zedi le 24 Mars, 2005. Si ou kongregasyon i abitye annan renyon dan Zedi, i kapab ganny fer en lot zour dan lasemenn si Lasal Rwayonm i disponib. Si i pa posib e ou Renyon Servis i ganny afekte, bann size ki sirtou aplik pour ou kongregasyon i kapab ganny enkli dan en lot Renyon Servis.
◼ En kantite proklanmater in telefonn biro brans konsernan bann lanrezistreman kantik ki ganny sante dan en stil popiler ki pe ganny sirkile parmi bann Temwen Zeova. Zot demande si sa bann lanrezistreman in annan nou laprouvasyon. Nou okouran ki i annan sa bann lanrezistreman e nou ti pou kontan enform ou ki zot napa nou laprouvasyon. Silvouple pa sirkil oubyen pran sa bann lanrezistreman lo Internet. Nou espere ki sa lenformasyon pou klarifye sa sitiasyon.