Lanons

◼ Piblikasyon pour ofer an Out: Ofer brosir Ou Kapab Vin Zanmi Bondye!, Rezouir Lavi lo Later pour Touzour!, ouswa nenport sa bann brosir 32 paz ki kongregasyon i annan dan stok: Does God Really Care About Us?, “Look! I Am Making All Things New,” Should You Believe in the Trinity?, The Divine Name That Will Endure Forever, The Government That Will Bring Paradise, What Happens to Us When We Die?, What Is the Purpose of Life?—How Can You Find It?, ek When Someone You Love Dies. Septanm: Sekre pour en Fanmiy ere. Ou kapab osi ofer, Konnesans Ki Anmenn ver Lavi Eternel oubyen Kontinyen veye! Oktob: Latour Veyer ek Réveillez-vous! Si dimoun i montre lentere, ofer brosir Ekspekte e fer zefor spesyal pour konmans bann letid Labib. Novanm: Ofer liv Learn from the Great Teacher. Si dimoun i dir ki zot napa zanfan, ofer liv Konnesans Ki Anmenn ver Lavi Eternel oubyen sa trak Eski ou ti a kontan konn plis lo Labib? Desanm: The Greatest Man Who Ever Lived. Ou kapab osi prezant Mon Liv Zistwar Labib, ouswa The Bible—God’s Word or Man’s?

◼ Vi ki Oktob i annan senk wikenn, i pou en bon mwan pour fer pionye asistan.

◼ Paz 5 ek 6 dan sa nimero Nou Minister Rwayonm i devret ganny garde pour servi pour progranm lasanble rezyonal ek zournen lasanble spesyal pour lannen servis 2006.

◼ Siveyan prezidan oubyen en dimoun ki i’n dezinyen i devret verifye bann kont kongregasyon le 1 Septanm oubyen osito posib apre sa dat. Si i annan en kont separe, ki swa pour reparasyon oubyen konstriksyon, bann laranzman i devret ganny fer pour verifye sa kont. Ler sa in ganny fer, enform kongregasyon ler prosen rapor kont i ganny lir.

◼ Nou rapel zot ki ladres biro brans pa devret zanmen ganny servi lo okenn let personnel. Sa i enkli tou let ek piblikasyon ki ganny anvoye par lapos pour donn en temwannyaz avek bann dimoun enterese, bann absan, oubyen bann ki reste dan landrwa ki difisil arive. En proklanmater i kapab servi son ladres personnel, vi ki son minister i enplik son servis personnel avek Bondye. (Mat. 28:19, 20; Rom. 10:14, 15) Me si i santi ki i pa ti pou byen servi son ladres ler i pe donn temwannyaz par let, i kapab servi son non ek ladres Lasal Rwayonm.—Vwar Kwen Kestyon dan Nou Minister Rwayonm Me 2002.

◼ Levanter annyel pour tou piblikasyon ek magazin dan stok i devret ganny fer le 31 Out 2005, oubyen pli pre posib avek sa dat. Sa levanter i parey sa enn ki abitye fer tou le mwan par kordinater piblikasyon, e bann total i devret ganny fer rantre lo form Literature Inventory (S-18). Zot kapab ganny lakantite magazin ki disponib avek sa asistan ki okip magazin dan kongregasyon. Sekreter sa kongregasyon ki kordin bann piblikasyon i devret sirperviz levanter. Li avek sirveyan prezidan sa kongregasyon ki kordin bann piblikasyon pou siny sa form. Sak kongregasyon ki kordin bann piblikasyon pou resevwar trwa form Literature Inventory (S-18). Silvouple anvoy kopi orizinal kot biro brans pa plitar ki le 6 Septanm. Gard en kopi pour ou fayl. Sa trwazyem kopi i kapab ganny servi pour travay lo la.

◼ Bann kongregasyon i devret konmans rekomann Calendrier des Témoins de Jéhovah 2006, Egzamin Labib sak Zour—2006, ek Annuaire des Témoins de Jéhovah 2006 ansanm avek zot prosenn demann piblikasyon. En lalis bann langaz ki sa bann piblikasyon i disponib pou ganny mete dan sa let ki ganny anvoye avek tou kongregasyon tou le mwan.

◼ Lasistans sa 9 zournen lasanble spesyal pour nou bann zil ti 6,908, e 39 batenm: Renyon 3,982 asistan e 24 batenm; Moris 2,293 asistan e 7 batenm; Sesel 463 asistan e 3 batenm; Mayot 110 asistan e 3 batenm; e Rodrig 60 asistan e 2 batenm.