Lanons

◼ Piblikasyon ki nou pou ofer an Zanvye: Konnesans Ki Anmenn ver Lavi Eternel oubyen nenport pli vye liv ki kongregasyon i kapab annan dan stok. Si sa dimoun pa oule sa liv, ou kapab ofer osi brosir Kontinyen Veye. Fevriye: Apros avek Zeova. Mars: Ki Labib i vreman dir? Fer zefor spesyal pour konmans bann letid Labib. Avril ek Me: Latour Veyer ek Réveillez-vous! Kan pe fer retourn vizit, vizit osi bann ki’n asiste Memoryal oubyen lezot levennman teokratik me ki pa pe asosye avek lorganizasyon. Nou kapab ofer liv Ki Labib i vreman dir? Nou bi se pour konmans en letid Labib.

◼ Vi ki Avril pou annan senk wikenn, i pou en bon mwan pour fer pionye asistan.

◼ Depi Fevriye, e pa plitar ki le 5 Mars, nouvo diskour piblik sirveyan rezyonal pou, “Ou kapab viv anpe konmela menm e pour touzour!”

◼ Bann kongregasyon i devret fer bann bon laranzman pour obzerv Memoryal sa lannen ki tonm Merkredi le 12 Avril, apre soley kouse. Menm si diskour i kapab konmans pli boner, bann lanblenm pa devret konmans pase avan soley kouse. Vwar avek bann lotorite lokal pour konnen ki ler soley pou kouse dan ou rezyon. I ti a pli bon si sak kongregasyon i obzerv son prop Memoryal. Me sa i kapab pa toultan posib. Kot i annan plizyer kongregasyon ki servi menm Lasal Rwayonm, petet serten i kapab servi en lot fasilite pour sa zour. Kot i posib, nou sizer en minimonm 40 minit ant bann progranm pour ki tou dimoun i kapab benefisye plennman atraver sa lokazyon. Konsiderasyon i devret osi ganny pran pour kondisyon trafik ek parking, enkli laranzman pour anmenn e al sers bann frer ek ser. Konsey bann ansyen i devret deside ki laranzman ki pou pli meyer lokalman.

◼ Ler ou fer plan pour al vakans dan en lot pei e ou pe mazinen pour asiste bann renyon kongregasyon, oubyen en lasanble distrik, ou kapab ganny lenformasyon konsernan dat, ler, ek landrwa si ou adres sa biro brans ki pe sirvey travay dan sa pei. Ladres bann biro brans i lo dernyen paz dan Annuaire pour sa lannen.