Revizyon Lekol Minister Teokratik

Sa bann kestyon swivan pou ganny egzaminen oralman dan Lekol Minister Teokratik pandan semenn le 27 Fevriye, 2006. Sirveyan lekol pou kondwir en revizyon 30 minit baze lo lenformasyon ki’n ganny trete dan bann ekspoze depi semenn le 2 Zanvye ziska le 27 Fevriye, 2006. [Not: Kot napa referans apre kestyon, ou pou bezwen fer ou prop resers pour trouv larepons.—Vwar liv Lekol Minister, p. 36-7.]

PWEN LANSENNYMAN

1. Dan ki fason Lekol Minister Teokratik i ed nou pour ‘rann glwar Bondye, e pour toultan loue son non par nou labous’? (Ebr. 13:15) [be p. 5 par. 3–p. 6 par. 1]

2. Akoz nou devret fer bokou zefor pour lir korekteman? [be p. 83 par. 1-5]

3. Akoz i tre enportan pour koz klerman ler nou ansennyen? [be p. 86 par. 1-6]

4. Akoz i enportan pour pronons korekteman, e ki bann fakter nou bezwen konsidere? [be p. 89 par. 1–p. 90 par. 3, bwat]

5. Nonm serten sizesyon pour ed nou fer konversasyon fasilman.  [be p. 94 par. 4-5, bwat]

EKSPOZE NO. 1

6. Ki mannyer 2 Kronik 36:17-23 i konfirmen ki nou kapab depan lo profesi Labib? [si-E p. 84 par. 35; si-F p. 85 par. 35]

7. Ki bann levennman ki ti fer posib pour bann Zwif retourn dan zot pei an 537 A.N.L. pour rebatir lakaz Zeova? [si p. 85 par. 1-3]

8. Ki mannyer liv Ezra i prouve ki Zeova i sa vre Bondye e ki nou kapab met konfyans dan li? [si p. 87 par. 14, 18]

9. Akoz sa “ventyenm lannen Lerwa Artakzerses” i enportan dan kronolozi Labib? (Nee. 2:1, 5, 6, 11, 17, 18) [si p. 88 par. 2, 5]

10. Ki mannyer Neemya i en bon legzanp pour bann serviter Bondye ozordi? [si-E p. 90 par. 16-17; si-F p. 91 par. 16-17]

LEKTIR LABIB LASEMENN

11. Eski sa Ourim ek Toumim ki zot ti servi kan zot ti bezwen en larepons sorti kot Zeova ti ankor egziste ler zot ti retournen sorti an egzil? (Ezra 2:61-63)

12. Akoz bokou Zwif Babilonn pa ti anvi al avek Ezra Zerizalenm? (Ezra 7:28–8:20)

13. Ki mannyer bann zonm ti kapab fer travay konstriksyon sa miray Zerizalenm avek zis en kote lanmen? (Nee. 4:17, 18)

14. Vi ki normalman bann let konfidansyel ti ganny mete dan en sak ki’n fermen, akoz Sanbala ti anvoy en let ki pa’n fermen pour Neemya? (Nee. 6:5)

15. Apard ki fer bann Zwif konnen ki zot ti’n tonm dan lemal, parey i ti’n fer pli boner avek bann prens ek bann dimoun enportan, ki lezot keksoz Neemya ti fer pour koriz zot? (Nee. 13:25, 28)