Revizyon Lekol Minister Teokratik

Sa bann kestyon swivan pou ganny egzaminen oralman dan Lekol Minister Teokratik pandan semenn le 24 Avril, 2006. Sirveyan lekol pou kondwir en revizyon 30 minit baze lo lenformasyon ki’n ganny trete dan bann ekspoze depi semenn le 6 Mars ziska le 24 Avril, 2006. [Not: Kot napa referans apre kestyon, ou pou bezwen fer ou prop resers pour trouv larepons.—Vwar liv Lekol Minister, p. 36-7.]

PWEN LANSENNYMAN

1. Ler nou ansennyen, akoz nou devret fer en poz ler nou pe sorti lo en pwen pour al lo en lot, me kwa ki kapab anpes nou fer sa? [be p. 98 par. 2-3]

2. Akoz i enportan pour nou fer poz ler nou pe koz avek dimoun dan predikasyon? [be p. 99 par. 5–p. 100 par. 4]

3. Akoz ler nou pe donn en diskour, i enportan pour met lanfaz, e ki mannyer nou kapab devlop sa abilite? [be p. 101 par. 1-5, bwat]

4. Ler nou pe lir an piblik, ki nou bezwen fer pour aksantye bann lide prensipal ki trouve dan sa lenformasyon? [be p. 105 par. 1-6]

5. Akoz i enportan pour annan en volim lavwa konvenab ler nou pe ansennyen, e ki mannyer nou kapab determinen ki kantite volim nou pou servi? [be p. 107-8]

EKSPOZE NO. 1

6. Dan ki fason sitiasyon bann Kretyen ozordi i parey avek sa ki pour Ester ek Mordekai, e ki mannyer nou kapab imit zot legzanp? [si p. 94 par. 17]

7. Ki Salomon ti pe dekrir ler i ti dir ki “tou keksoz ti anven e tay deryer divan”? (Ekle. 2:11) [w04 15/10 p. 4 par. 3-4 (Angle/Franse)]

8. Ki mannyer nou kapab devlop lanmour pour Bondye? (Mark 12:30) [w04 1/3 p. 19-21 (Angle/Franse)]

9. Ki diferans i annan ant rod keksoz spirityel ek lanmour pour larzan? [w04 15/10 p. 5-7 (Angle/Franse)]

10. Ki nou kapab fer pour ekout avek latansyon dan bann lasanble? [be p. 15-16]

LEKTIR LABIB LASEMENN

11. Akoz figir Amann ti kouver? (Ester 7:8)

12. Ki kalite kreatir spirityel ki ti enfliyans fason panse Elifaz? (Zob 4:15, 16) [w05 15/9 p. 26 par. 2]

13. Eski parol Zob dan Zob 7:9, 10 ek sapit 10:21 i montre ki i pa ti krwar dan rezireksyon?

14. Ki Zob ti oule dir ler i ti dir “mon’n sape avek lapo mon ledan”? (Zob 19:20)

15. Ki Zob ti oule dir ler i ti dir, ‘Mon pa pou abandonn mon fidelite’ e ki nou aprann atraver sa? (Zob 27:5)