En Legzanp pour tou Dimoun

I ti tre pros avek Bondye. I ti devoue pour fer lavolonte Zeova. I “ti mars avek sa vre Bondye” e i ti ganny rekonpanse pour sa. I ti apel Noe. I en legzanp ki tou dimoun, zenn konman vye, i devret imite. (Zen. 6:9) Sa video Noah—He Walked With God pou ed nou imazinen ki kalite lavi Noe ti annan, e akoz i ti merit benediksyon Zeova, e osi ki mannyer nou kapab imit son bann bon kalite.

Sa DVD i enkli bann kestyon. Gete apre demann ou lekor: (1) Ki keksoz mal serten lanz ti fer, e lekel bann Nefilim? (Zen. 6:1, 2, 4) (2) Akoz dimoun ti vin sitan move, e ki mannyer Bondye ti santi? (Zen. 6:4-6) (3) Ki mannyer Noe ti diferan avek lezot? (Zen. 6:22) (4) Ki mannyer bann move dimoun ti ganny detri? (Zen. 6:17) (5) Ki groser lars ti ete? (Zen. 6:15) (6) Ki lezot keksoz Noe ti fer, e konman bann dimoun ti reazir? (Mat. 24:38, 39; 2 Pyer 2:5) (7) Konbyen dan sak zannimo ki ti antre dan lars? (Zen. 7:2, 3, 8, 9) (8) Ki kantite letan lapli ti tonbe, e konbyen letan delo ti kouver konpletman later? (Zen. 7:11, 12; 8:3, 4) (9) Akoz Noe ek son fanmiy ti reste vivan? (Zen. 6:18, 22; 7:5) (10) Kote lars ti ete apre Deliz? (Zen. 8:4) (11) Ki mannyer Noe ti konnen i kapab sorti dan lars? (Zen. 8:6-12) (12) Ki Noe ti fer ler i ti sorti? (Zen. 8:20-22) (13) Ki sa larkansyel i reprezante? (Zen. 9:8-16) (14) Ki savedir “mars avek Bondye”? (Zen. 6:9, 22; 7:5) (15) Ki nou bezwen fer pour nou kapab vwar Noe dan Paradi? (Mat. 28:19, 20; 1 Pyer 2:21)

Ki sa resi Labib lo fidelite ek lobeisans Noe in ansenny ou lo ki mannyer ou osi ou kapab “mars avek Bondye” e annan konfyans ki Zeova i kapab sov son pep ozordi?—Zen. 7:1; Prov. 10:16; Ebr. 11:7; 2 Pyer 2:9.