Kwen Kestyon

◼ Eski i apropriye pour organiz bann lavant oubyen lezot aktivite pour kolekte larzan pour ed kongregasyon?

I komen pour bann lorganizasyon relizye organiz bann aktivite ki ganny fer pour kolekte larzan, tel parey bann dinen, lavant, oubyen bann lafet. Menm si serten dimoun i kapab santi ki zot pe fer sa pour en bon rezon, par fer sa bann aktivite i konmsi zot pe mandyan. Bann Temwen Zeova pa ganny sipor finansyel dan sa fason.

Dezyenm nimero Latour Veyer, an Out 1879, ti dir sa konsernan rezon akoz nou refize pour imit bann legliz e mandyan larzan: “‘Zion’s Watch Tower’ parey nou konnen i ganny sipor ZEOVA, e osi lontan ki sa i leka nou pa pou zanmen mandyan ni sipliy zonm pour ganny sipor. Kan Zeova ki dir: ‘Tou lor ek larzan bann montanny i pour mwan,’ pa arive fourni sa larzan ki neseser, nou pou konpran ki sa i lemoman pour aret fer bann magazin.”

Nou pe kontinyen swiv sa prensip Labib: “Fodre ki sakenn i donn dapre sa ki i’n deside, non pa avek regre ou par lobligasyon, parski Bondye i kontan sa ki donn avek lazwa.” (2 Kor. 9:7) I annan bann bwat kontribisyon dan Lasal Rwayonm kot bann dimoun i kapab fer zot bann kontribisyon volonter si zot oule. (2 Rwa. 12:9) Nou pa obliz dimoun pour donn nou larzan, e nou pa ni menm donn avek sa lide pour ganny en keksoz an retour.