Lanons

◼ Zen: Ofer liv Sekre pour en Fanmiy ere. Zilyet ek Out: Ofer brosir Kontinyen Veye, Lekel zot Bann Temwen Zeova, Ou Kapab Vin Zanmi Bondye, Rezouir Lavi lo Later pour Touzour!, Sa ki Bondye i ekspekte nou fer, ouswa nenport brosir 32 paz ki kongregasyon i annan dan stok. Septanm: Ki Labib i vreman dir? Bann proklanmater pou fer zefor pour konmans letid Labib lo premye vizit kan i posib ler zot plas sa piblikasyon. Montre zot ki mannyer sa liv i kapab anmenn bokou byenfe pour zot, par fer en demonstrasyon an bref pour montre konman en letid Labib i deroule. Oktob: Latour Veyer ek Awake! Si en dimoun i montre lentere, prezant e diskit lo sa trak Eski ou ti a kontan konn laverite? Si sa met lakour i deza annan enn sa trak, sa proklanmater i devret fer zefor pour konmans en letid Labib.

◼ Ler ou fer plan pour al vakans dan en pei ki pa ganny mansyonnen dan sa lalis ki dan rapor mondyal lannen servis oubyen ki son ladres pa ganny trouve lo dernyen paz dan dernyen Yearbook, silvouple kontakte biro brans pour konnen ki prekosyon oubyen lenstriksyon spesifik ki kapab bezwen ganny pran an konsiderasyon. Sa travay predikasyon dan sa rezyon i kapab anba restriksyon. (Mat. 10:16) I kapab ki dan serten pei i pa saz pour bann frer ek ser ki vizite pour kontakte bann Temwen oubyen kongregasyon dan sa pei. Ou kapab ganny lezot lenstriksyon konsernan temwannyaz enformel oubyen konsernan si ou pou kapab anmenn serten piblikasyon avek ou. Ou korperasyon pou evite ki ou ganny bann difikilte ki pa neseser oubyen vin en lobstak pour sa travay Rwayonm.—1 Kor. 14:33, 40.