Lanons

◼ Septanm: Ki Labib i vreman dir? Bann proklanmater pou fer zefor pour konmans letid Labib lo premye vizit kan i posib, ler zot plas sa piblikasyon. Montre zot ki mannyer sa liv i kapab anmenn bokou byenfe pour zot, par fer en demonstrasyon an bref pour montre konman en letid Labib i deroule. Oktob: Latour Veyer ek Awake! Si en dimoun i montre lentere, prezant e diskit lo sa trak Eski ou ti a kontan konn laverite? avek bi pour konmans en letid Labib. Novanm: Ki Labib i vreman dir? Fer zefor pour konmans en letid Labib. Desanm: Mon Liv Zistwar Labib. Si i annan zanfan kot sa lakour, ofer liv Ekout sa Gran Ansennyan. Si i annan sa liv Ador sa sel vre Bondye dan stok, nou kapab ofer sa liv avek bann dimoun ziska ler i fini. Zanvye: Ki Labib i vreman dir? Bann proklanmater pou fer zefor pour konmans letid Labib lo premye vizit kan i posib, ler zot plas sa piblikasyon. Si sa dimoun i deza annan sa liv, ou kapab ofer liv Ador sa sel vre Bondye.

◼ Diskour piblik spesyal pour sezon Memoryal 2010 pou ganny fer pandan semenn le 12 Avril 2010. Tenm sa diskour pou ganny anonse plitar. Sa bann kongregasyon ki pou ganny vizit sirveyan rezyonal oubyen en lasanble sa wikenn pou ganny sa diskour spesyal son semenn apre. Sa diskour pa devret ganny fer dan okenn kongregasyon avan 12 Avril.