Lanons

◼ Fevriye: Sekre pour en fanmir ere. Ou kapab osi ofer Mon Liv Zistwar Labib oubyen Ador sa sel vre Bondye. Mars: Ki Labib i vreman dir? Fer bokou zefor pour konmans en letid Labib. Avril ek Me: Latour Veyer ek Awake! Kan pe retournen pour vizit bann dimoun ki ti enterese, enkli sa bann ki ti asiste Memoryal oubyen lezot levennman teokratik, me ki pa pe aktivman asosye avek kongregasyon, mazin plis pour plas sa liv Ki Labib i vreman dir? Nou lobzektif i pour konmans en letid Labib dan sa liv. Zen: Ki Labib i vreman dir? Si met lakour i deza annan sa liv, ofer nenport vye liv ki kongregasyon i kapab annan dan stok.

◼ Tit diskour spesyal pour sezon Memoryal 2011 pou annan pour tit: “Eski bann prensip Labib i kapab ed nou fer fas avek problenm denozour?”

◼ Zour Memoryal pou napa okenn renyon apard renyon predikasyon Dimans le 17 Avril. Bann kongregasyon ki zot renyon i normalman ganny fer dan Dimans i kapab fer li en lot zour dan lasemenn. Dan ka kot plizyer kongregasyon i servi menm Lasal Rwayonm e zot pa kapab fer renyon en lot zour, zot kapab kennsel sa renyon. Dan en tel ka, bann fanmir i ganny ankouraze pour etidye sa lartik dan Latour Veyer pour sa semenn pandan zot Ladorasyon an Fanmir.