Lanons

◼ Avril ek Me: Latour Veyer ek Awake! Kan pe retournen pour vizit bann dimoun ki ti enterese, enkli sa bann ki ti asiste Memoryal oubyen lezot levennman teokratik, me ki pa pe aktivman asosye avek kongregasyon, mazin plis pour plas sa liv Ki Labib i vreman dir? Nou lobzektif i pour konmans en letid Labib dan sa liv. Zen: Ki Labib i vreman dir? Si met lakour i deza annan sa liv, ofer nenport vye liv ki kongregasyon i kapab annan dan stok. Zilyet ek Out: Labib​—Ki son mesaz? Annou fer bokou zefor pour otan dimoun dan teritwar ganny en kopi. Nou osi kapab ofer brosir Kontinyen Veye!, Lekel zot Bann Temwen Zeova, Rezouir Lavi lo Later pour Touzour!, Sa ki Bondye i ekspekte nou fer, Ou Kapab Vin Zanmi Bondye, ouswa nenport sa bann brosir 32 paz ki kongregasyon i annan dan stok.

◼ Nou kapab sanz progranm Renyon Servis ki tonm sa semenn avan lasanble distrik pour revwar bann konsey ek rapel pour lasanble. Enn oubyen de mwan apre lasanble, revwar bann pwen enportan sa lasanble ki bann proklanmater in vwar itil dan predikasyon. En bezwen lokal i kapab ganny servi pour fer sa.

◼ Konmansman Me, tou kongregasyon i devret servi sa premye wikenn sak mwan pour konsantre lo konmans bann letid Labib. Sa seri lartik “Aprann avek Parol Bondye” dan Latour Veyer in ganny ekrir pour ed bann proklanmater fer sa. Lo dernyen paz sak Nou Minister Rwayonm pou annan bann sizesyon lo konman pour prezant piblikasyon pour sa mwan ki pou swiv enkli enn lo konman pour konmans en letid Labib lo sa premye wikenn.

◼ Nouvo kantik ki pou ganny sante pour Memoryal i nimero 8 ek 109. I pou byen si nou aprann sant sa de kantik kot nou pour sa renyon spesyal.

◼ Lalis bann lasanble distrik ki ganny fer tou le lannen pou nepli aparet dan Latour Veyer le 1 Mars an Angle oubyen Franse. Ou pou kapab vwar sa lalis lo nou sit jw.org. Sekreter kongregasyon i kapab enprim en kopi e met li lo bord pour bann proklanmater ki napa akse avek Internet.