Eski ou get lenformasyon lo bord regilyerman?

Bann ansyen, asistan ministeryel ek lezot ki annan bann responsabilite dan kongregasyon i regilyerman get lo bord pour vwar si zot annan okenn keksoz pour fer. Toudmenm, tou dan kongregasyon pou trouv bann lenformasyon enportan lo bord. Eski ou konnen kan ki ou group pou netway lasal? Eski sirveyan rezyonal oubyen biro brans in anvoy en let pour kongregasyon? Eski ou konn tenm diskour piblik sa semenn pour ki ou kapab envit ou etidyan Labib? Eski i annan bann azisteman ki’n ganny fer konsernan progranm renyon oubyen dan ou group predikasyon? Laplipar sa bann lenformasyon pa ganny anonse pandan renyon e i pa posib pour bann ansyen dir avek tou proklanmater. Alor, nou devret get bann lenformasyon lo bord regilyerman. Si nou reste azour avek sa bann lenformasyon tou keksoz pou pas “byen e avek lord.”​—1 Kor. 14:40.