Anons laverite konsernan Zezi avek devouman

Nou devouman dan predikasyon i ogmante ler nou konnen ki mannyer pour partaz laverite lo Zezi avek lezot. Zezi i sa ros prensipal dan kwen fondasyon lo ki vre lafwa i ganny batir. (Efe. 2:20) San li nou ti pou napa okenn lespwar dan lavi. (Akt 4:12) Alor, i enportan ki tou dimoun i rekonnet son pozisyon dan plan Bondye. Plizyer in ganny anbete par bann fo lansennyman ki pa sorti dan Labib. Malerezman, zot riske pa ganny sa bann benediksyon ki Parol Bondye i promet bann ki annan lafwa dan Zezi. Nou devouman pour laverite pou pous nou pour ed bann dimoun avek en leker senser pour ganny sa vre konnesans lo Zezi, son relasyon avek Bondye ek son rol dan lakonplisman plan Bondye. Pandan sa sezon Memoryal, eski ou pou anons laverite konsernan Zezi avek devouman?