Ki kantite ou lafwa i for dan bann promes Zeova?

Zozye ek Salomon ti dir ki tou sa ki Zeova in promet in vin vre. (Zoz 23:14; 1Rw 8:56) Sa ki sa de temwen in dir i fer nou lafwa vin pli for.​—2Ko 13:1; Tit 1:2.

Ki mannyer Zeova ti akonpli son bann promes dan letan Zozye? Ansanm avek ou fanmir, get sa video ‘Napa en parol ki pa’n reisi.’ Apre reponn sa bann kestyon ki swiv: (1) Ki mannyer ou kapab imit lafwa Raab? (Ebr 11:31; Zak 2:24-26) (2) Ki mannyer legzanp Akann i montre ki i annan move konsekans si nou volonterman dezobei Zeova? (3) Menm si bann zonm Gibeonnit ti bann gerye, akoz zot ti anbet Zozye e fer lape avek Izrael? (4) Ki mannyer parol Zeova ti vin vre ler senk lerwa Amorit ti menas Izrael? (Zoz 10:5-14) (5) Ki mannyer Zeova in beni ou ler ou’n met Rwayonm ek son ladrwatir premye dan ou lavi?​—Mt 6:33.

Anmezir nou reflesir lo tou sa ki Zeova in fer, pe fer e pou fer, nou lafwa dan son bann promes pou vin pli for.​—Ro 8:31, 32.