Zezi ti osi mor pour ou frer ek ser

Zezi ti donn son lavi konman en sakrifis pour bann dimoun enparfe. (Ro 5:8) San dout, nou apresye ki Zezi ti donn son lavi pour nou pour demontre son lanmour anver nou. Toudmenm, i kapab arive ki par ler nou bezwen fer nou lekor rapel ki Kris ti osi mor pour nou frer ek ser. Ki mannyer nou kapab demontre menm lanmour ki Kris anver nou bann frer ek ser ki enparfe zis parey nou? Annou vwar trwa fason. Premyerman, dan nou group zanmi nou kapab enkli bann dimoun ki’n grandi dan en lot fason ki nou. (Ro 15:7; 2Ko 6:12, 13) Dezyenmman, nou kapab fer bokou zefor pour pa dir oubyen fer bann keksoz ki kapab ofans lezot. (Ro 14:13-15) Trwazyenmman, si en dimoun i fer en pese kont nou, nou kapab pardonn zot vitman. (Li 17:3, 4; 23:34) Si nou fer bokou zefor pour imit Zezi dan sa bann fason, Zeova pou kontinyen beni kongregasyon e ed nou pour viv anpe e ini avek kanmarad.

GET SA VIDEO VIN PLI ZOLI! E APRE REPONN SA BANN KESTYON SWIVAN:

• 

  Ki mannyer Miki ti santi konsernan son kongregasyon ler i ti fek vini?

• 

  Kwa ki ti fer son santiman sanze?

• 

  Ki mannyer legzanp Zezi ti ed Miki pour aziste son pwennvi? (Mr 14:38)

• 

  Ki mannyer Proverb 19:11 (NWT) i ed nou pour vwar nou bann frer ek ser dan en fason pozitif?