BANN TREZOR DAN PAROL BONDYE | AKT 27-28
Pol i pran bato pour al Ronm
Menm si Pol ti dan prizon, i pa ti zanmen aret anons sa bon nouvel. Ler i ti lo sa bato, i ti rann temwannyaz avek bann manm lekipaz ek lezot pasaze. Apre ki bato ti’n koule Malt , i tre probab ki Pol ti anons sa bon nouvel avek bann dimoun ki i ti geri. Zis trwa zour apre ki i ti’n ariv Ronm, i ti fer apel bann zonm enportan parmi bann Zwif pour li rann temwannyaz avek zot. Pandan sa de-z-an ki Pol ti prizonnyen dan son lakaz, i ti anons sa bon nouvel avek tou sa ki ti vin vizit li.
Ki ou kapab fer pour anons sa bon nouvel malgre nenport ki limit ki ou kapab annan?