BANN TREZOR DAN PAROL BONDYE | 2 KORENTYEN 4-6
“Nou pa bes lebra”
Mazin de fanmir ki pe viv dan en lakaz ki’n vye e ki pa an bonn eta. Enn sa fanmir i dezespere. Me sa lot fanmir i dan lazwa. Akoz? Parski sa fanmir ki dan lazwa byento pou ganny en nouvo lakaz.
Menm si “tou kreasyon pe soufer e kontinyen plennyen ansanm ziska prezan,” bann serviter Bondye i annan en lespwar ki donn zot lafors. (Ro 8:22) Nou konnen ki bann problenm ki nou pe pas ladan ozordi e menm bann ki nou pe siporte pour plizyer lannen i “tanporer e leze” konpare avek leternite dan nouvo lemonn Bondye. Ler nou konsantre lo bann benediksyon ki nou pou gannyen avek sa Rwayonm, sa pou ed nou reste dan lazwa e pa bes lebra.