VIV KONMAN EN KRETYEN

En kondwit pir avek bokou respe i tous leker

Bon kondwit bann madanm marye ki’n vin Temwen Zeova i souvan sa ki’n ed zot msye pour aksepte laverite. Me i kapab ki pour plizyer lannen zot in fer fas avek bokou difikilte. (1Pyr 2:21-23; 3:1, 2) Si ou pe soufer dan en fason enzis, kontinyen domin lemal avek sa ki byen. (Ro 12:21) Petet ou msye pa pou ekout sa ki ou dir lo Zeova me ler i vwar ou bon kondwit, i kapab sanz lafason ki i santi konsernan laverite.

Esey vwar keksoz parey ou konzwen i vwar. (Fil 2:3, 4) Montre ki ou konpran son santiman e annan konpasyon pour li. Fer ou mye pour desarz ou responsabilite konman en madanm. Ekout byen ler ou msye i koze. (Zak 1:19) Annan pasyans e rasir ou konzwen ki ou kontan li. Menm si ou konzwen pa demontre labonte ek respe anver ou, ou kapab asire ki Zeova i apresye ou fidelite.—1Pyr 2:19, 20.

GET SA VIDEO JEHOVAH STRENGTHENS US TO CARRY OUR LOAD E APRE REPONN SA BANN KESTYON SWIVAN:

Ki mannyer lavi ti ete pour Grace Li dan bann premye lannen son maryaz?
Kwa ki ti atir li ver laverite?
Ki mannyer ser Li ti persevere ler i ti fer fas avek bann difikilte apre ki i ti’n batize?
Ki lapriyer ser Li ti fer konsernan son msye?
Ki byenfe ser Li in gannyen akoz son kondwit pir avek bokou respe?

Potre: Bann diferan senn dan sa video ‘Jehovah Strengthens Us to Carry Our Load,’ pe montre progre Grace Li. 1. Grace pe plere dan en koulwar. 2. En ser pe etidye avek Grace. 3. Grace ek son zanfan pe kit zot restoran pour al renyon. 4. Grace avek nef manm son fanmir kot Lasal Rwayonm. — En kondwit pir avek bokou respe i vreman fer en gran lefe!