Vin parey Zozef e sov lwen avek imoralite seksyel

Zozef i en bon legzanp pour nou swiv si nou ganny tante pour komet imoralite seksyel. Sak fwa madanm Potifar ti esey sedwir li, i ti refize. (Ze 39:7-10) I ti reponn: “Ki mannyer eski mon pou kapab fer en keksoz osi mal e komet en pese kont Bondye?” Lafason ki Zozef ti reponn, i montre ki i ti’n fini mazin pwennvi Zeova konsernan fidelite dan maryaz. Sa ti ed li ler i ti dan en sityasyon kot i ti’n kapab ganny tante pour komet imoralite seksyel. Olye reste lanmenm e les sa madanm anpes li fer sa ki byen, i ti tay deor.​—Ze 39:12; 1Ko 6:18.

GET SA VIDEO FLEE FROM IMMORALITY, APRE REPONN SA BANN KESTYON SWIVAN:

• 

  Ki sityasyon Jin ti fer fas avek?

• 

  Ki kestyon Jin ti demann son lekor ler Mee-Kyong ti demann li pour ed li avek son leson matematik?

• Ki mannyer sa ki Mee-Kyong ti demann Jin ti annan en lefe lo Jin?

• 

  Ki mannyer Jin ti ganny led?

• 

  Ki Jin ti fer pour sov lwen avek imoralite seksyel?

• Ki ou’n aprann dan sa video?