VIV KONMAN EN KRETYEN

Ki ou kapab aprann avek bann frer ek ser ki matir spirityelman?

Dan nou kongregasyon, nou annan bann frer ek ser ki’n servi Zeova pour plizyer lannen. Nou kapab aprann avek zot lo lafason ki zot in depan lo Zeova. Nou kapab demann zot lo listwar Temwen Zeova e ki mannyer Zeova in ed zot pour fer fas avek zot bann problenm. Nou kapab menm envit en frer oubyen ser aze pour asiste nou Ladorasyon fanmir e demann zot pour rakont zot leksperyans.

Si ou en frer oubyen ser ki’n servi Zeova pour plizyer lannen, rakont ou leksperyans avek bann zenn lo ki mannyer Zeova in ed ou pandan sa bann lannen. Zakob ek Zozef ti rakont zot leksperyans avek zot desandans. (Ze 48:21, 22; 50:24, 25) Pli tar, Zeova ti ekspekte ki bann sef fanmir i ansenny zot zanfan konsernan bann keksoz merveye ki i’n fer. (De 4:9, 10; Ps 78:4-7) Dan nou letan, bann paran e lezot dan kongregasyon i kapab rakont bann zenn konsernan bann keksoz merveye ki zot in vwar Zeova akonpli dan son lorganizasyon.

GET SA VIDEO MAINTAINING UNITY UNDER BAN. APRE REPONNN SA BANN KESTYON SWIVAN:

Ki mannyer biro brans Lotris ti ed nou bann frer ek ser dan serten pei kot zot pa ti lib pour prese e ador Zeova?
Ki mannyer bann frer ek ser dan sa bann pei ti gard zot lafwa for?
Akoz bokou proklanmater Laroumani ti separ zot avek lorganizasyon Zeova e ki mannyer zot ti retournen?
Ki mannyer sa bann leksperyans i fortifye ou lafwa?

Portre: Bann senn sorti dan sa video ‘Maintaining Unity Under Ban.’ 1. En map pe montre bann pei ki ti anba restriksyon Lanmerik Latin. 2. En masin ki rekopye bann piblikasyon. 3. Bann frer Laroumani pe may kanmarad. — Aprann bann keksoz merveye avek bann frer ek ser ki matir spirityelman. Sa pou ed ou fortifye ou lafwa dan Zeova!