Apresye ou lanmitye avek Zeova

Temwen Zeova i annan en privilez spesyal. Konman bann Kretyen ki’n dedye nou lavi avek Bondye e batize, nou kontinyen devlop en lanmitye pros e personnel avek nou Souvren Senyer, Zeova. I’n atir nou ver li atraver son Garson. (Zan 6:44) I ekout nou lapriyer.​—Ps 34:15.

Ki mannyer nou kapab protez nou lanmitye ki nou annan avek Bondye? Premyerman, nou devret evite fer parey bann Izraelit ki ti fer pese. Pa bokou letan apre ki zot ti’n fer lalyans avek Zeova, zot ti fer en pti bef annor e zot ti konmans ador zidol. (Eg 32:7, 8; 1Ko 10:7, 11, 14) Petet nou kapab demann nou lekor: ‘Ki mannyer mon reazir ler mon fer fas avek tantasyon? Eski mon aksyon i montre ki mon apresye mon lanmitye avek Zeova?’ Si nou annan en lanmour profon pour nou Papa ki dan lesyel, sa pou ed nou pour sov lwen avek bann keksoz ki Zeova pa kontan.​—Ps 97:10.

GET SA VIDEO GUARD YOUR RELATIONSHIP WITH JEHOVAH (COL 3:5). APRE REPONN SA BANN KESTYON SWIVAN:

• Ki savedir groker?

• Akoz nou devret rezet vorasite ek ladorasyon zidol?

• Ki mannyer adilter i relye avek ladorasyon zidol?

• Akoz en Kretyen, sirtou enn ki annan responsabilite dan lorganizasyon Zeova, i devret pran swen avek bezwen son konzwen?