Gras a Bondye ek Kris, nou pou lib a lavenir

Ki difikilte ou fer fas avek sak zour? Eski ou en sef fanmir avek en kantite responsabilite? Eski ou en paran tousel ki vwar li difisil pour pran swen avek ou fanmir? Eski ou en zenn ki pe ganny bouli par bann kanmarad lekol? Eski ou pe fer fas avek problenm lasante oubyen akoz laz pe antre? Tou dimoun i annan problenm. Bokou Kretyen i fer fas avek plizyer problenm an menm tan. Kantmenm sa, nou konnen ki byento Zeova pou liber nou avek sa bann problenm.​—2Ko 4:16-18.

Antretan, nou ganny rekonforte akoz nou konnen ki Zeova i konpran nou bann difikilte e i apresye nou fidelite ek landirans. I pou beni nou en kantite. (Zer 29:11, 12) Zezi osi i enterese avek nou personnelman. Anmezir ki nou akonpli nou lobligasyon konman en Kretyen, Zezi i asir nou: “Mon avek zot.” (Mt 28:20) Ler nou pran letan e medit lo sa laliberte ki nou pou gannyen a lavenir anba Rwayonm Bondye, sa i ranforsi nou lespwar ek nou determinasyon pour andir nou bann problenm la konmela.​—Ro 8:19-21.

GET SA VIDEO AS THE STORM APPROACHES, MAINTAIN YOUR FOCUS ON JESUS!​—FUTURE KINGDOM BLESSINGS. APRE REPONN SA BANN KESTYON SWIVAN:

• Ki mannyer imen in elwannyen avek Bondye e ki rezilta sa in anmennen?

• Ki lavenir i annan pour bann ki fidel avek Zeova?

• Ki mannyer en lavenir sitan merveye i posib?

• Ki benediksyon ou eksite pour vwar dan sa nouvo lemonn ki Bondye in promet?