29 AVRIL–5 ME
PSONM 34-35
Kantik 10 ek lapriyer | Lentrodiksyon (1 minit)
1. “Toultan loue Zeova”
(10 minit)
David ti loue Zeova menm ler i ti pe pas dan difikilte (Ps 34:1; w07 1/3 25 ¶11)
David pa ti glorifye son lekor, me i ti glorifye Zeova (Ps 34:2-4; w07 1/3 26 ¶13)
Parol ki David ti dir ti ranforsi lafwa son bann konpanyon (Ps 34:5; w07 1/3 26 ¶15)
Apre ki David ti’n kit Abimelek, 400 zonm ki pa ti dakor avek lafason ki Lerwa Sail ti pe dirize, ti zwenn David dan dezer. (1Sa 22:1, 2) I posib ki David ti pe mazin sa bann zonm ler i ti ekri sa psonm.—Ps 34, lentrodiksyon.
DEMANN OU LEKOR: ‘Ki mannyer mon kapab loue Zeova ler mon pe koz avek en dimoun dan prosen renyon?’
2. Bann perl spirityel
(10 minit)
Ps 35:19—Ki savedir ler David ti demann Zeova pour pa les sa bann ki ay li “bat lizye avek kanmarad”? (w06 1/6 31 ¶11)
Ki perl spirityel ki ou’n vwar dan lektir Labib pour sa semenn?
3. Lektir Labib
(4 minit) Ps 34:1-22 (th pwen 5)
4. Konmans en konversasyon
(2 minit) TEMWANNYAZ ENFORMEL. Sa konversasyon i arete avan ki ou donn en temwannyaz. (lmd leson 1 pwen 4)
5. Swiv zot lentere
(4 minit) TEMWANNYAZ ENFORMEL. (lmd leson 2 pwen 4)
6. Koz lo ou krwayans
(5 minit) Demonstrasyon. ijwfq-E 59—Tenm: Ki mannyer Temwen Zeova i konnen si en lafet i akseptab oubyen non? (th pwen 17)
Kantik 59
7. Trwa fason pour loue Zeova dan renyon
(15 minit) Diskisyon.
Bann renyon kongregasyon i donn nou en bon loportinite pour loue Zeova. Annou vwar trwa fason.
Konversasyon: Koz lo labonte Zeova ler ou pe fer en konversasyon avek lezot. (Ps 145:1, 7) Eski ou’n tande oubyen lir en pwen spesifik ki’n benefisye ou? Eski ou annan en bon leksperyans dan predikasyon? Eski en dimoun in koz avek ou oubyen fer serten keksoz ki’n ankouraz ou? Eski ou’n vwar en keksoz dan kreasyon ki’n enpresyonn ou? Tousala i bann kado sorti kot Zeova. (Zak 1:17) Vin detrwa minit pli boner koumsa ou a ganny letan pour koz avek lezot.
Komanter: Esey donn omwen en larepons dan sak renyon. (Ps 26:12) Ou kapab donn en larepons direk pour en kestyon oubyen donn en komanter lo en lot pwen, lo en verse Labib, lo en portre ouswa ki mannyer pour aplik sa lenformasyon. Vi ki lezot pou lev lanmen an menm tan ki ou lev sa ki pour ou, prepar plis ki en larepons. Plis dimoun pou kapab “loue Bondye” si nou donn en larepons 30 segonn oubyen mwens.—Ebr 13:15.
Kantik: Sant bann kantik Rwayonm avek lazwa. (Ps 147:1) I posib ki ou pa pou ganny sans reponn dan sak renyon, espesyalman si ou dan en gran kongregasyon, me ou toultan kapab sant bann kantik. Menm si ou krwar ki ou pa konn sante, me ler ou fer ou mye, ou kapab asire ki ou fer Zeova kontan! (2Ko 8:12) Ou kapab prepar ou, par sant bann sanson kot lakour.
Zwe sa VIDEO Nou listwar—Bann kantik i en zoli kado, Parti 1. Apre demann lodyans:
O konmansman letan modern, ki mannyer nou ti montre ki i enportan pour sant bann kantik louanz pour Zeova?
8. Letid Labib kongregasyon
(30 minit) bt sapit 9 ¶1-7, lentrodiksyon parti 3 ek bwat lo paz 70