Demontre kouraz ler lezot i met presyon lo ou

Lir Zeremi 38:1-13 pour vwar ki ou kapab aprann avek lafason ki profet Zeremi ek Ebed-Melek, ki ti en enik, ti demontre kouraz.

Analiz konteks. Akoz Zeremi ti bezwen demontre kouraz pour anons mesaz Zeova? (Zer. 27:12-14; 28:15-17; 37:6-10) Ki mannyer bann dimoun ti reazir ler zot ti tann sa mesaz?—Zer. 37:15, 16.

Rod plis detay. Ki presyon dimoun ti met lo Zeremi? (jr-E 26-27 ¶20-22) Vwar ki ou kapab aprann konsernan bann basen delo ki ti ganny servi dan letan Labib. (it-1-E 471) Ki mannyer ou krwar Zeremi ti santi ler i ti dan sa basen delo, anfonse dan labou? Ki lafreyer Ebed-Melek ti bezwen sirmonte?—w12-E 1/5 31 ¶2-3.

Ki ou’n aprann? Demann ou lekor:

• ‘Ki sa resi i ansenny mwan konsernan lafason ki Zeova i protez son bann serviter fidel?’ (Ps. 97:10; Zer. 39:15-18)

• ‘Kan ki mon pou bezwen demontre kouraz?’

• ‘Ki mannyer mon kapab devlop plis kouraz pour fer sa ki byen ler lezot i met presyon lo mwan?’ (w11-E 1/3 30)a