Ed kanmarad spirityelman

Nou tou nou apresye sa lankourazman ki nou gannyen ler nou pas letan avek nou bann frer ek ser. Me pour nou kapab vreman ankouraz kanmarad, nou bezwen fer plis ki zis pas letan avek kanmarad. Labib i ankouraz nou pour ‘ed kanmarad spirityelman.’ (Rom. 1:11, 12) Ki mannyer nou kapab fer sa?

Ankouraz lezot par sa ki ou dir. Par egzanp, ler nou pe donn bann larepons pandan renyon, nou kapab fer atansyon ki nou larepons pa baze lo nou prop nide oubyen lavi me ki i baze lo Zeova, son Parol ek son pep. Dan nou bann konversasyon avek nou bann frer ek ser, nou kapab swazir pour koz lo bann topik ki ankourazan.

Ankouraz lezot par ou bann desizyon ek sa ki ou fer. Par egzanp, serten in deside pour reste dan servis a plen tan menm si i pa fasil pour zot e sa i kapab ankouraz lezot. Lezot i asiste renyon lasemenn tou le semenn menm si zot fatige apre en lazournen travay difisil oubyen akoz zot annan en maladi kronik.

Eski ou ankouraz ou bann frer ek ser par sa ki ou dir e fer? Eski ou remark sa ki ou bann frer ek ser i dir e fer pour ankouraz ou?