Leson 1

Konman nou konnen sa ki Bondye i ekspekte nou fer?

Ki ransennyman enportan nou kapab trouve dan Labib? (1)

Lekel ki loter Labib? (2)

Akoz ou bezwen etidye Labib? (3)

1. Bondye in donn nou Labib e sa i en kado presye. I konman en let ki en papa in anvoy pour son bann zanfan. I ansenny nou laverite lo Bondye, ki mannyer i ete, e mannyer i get keksoz. I eksplik nou konman nou kapab rezourd nou bann problenm e trouv vre lazwa. Zis Labib ki dir nou sa ki nou bezwen fer pour fer Bondye plezir.—Psonm 1:1-3; Izai 48:17, 18.

2. Labib ti ganny ekrir par apepre 40 zonm. Travay ti konmans an 1513 avan Zezi e ti fini plis ki 1600 an plitar. Labib i divize an 66 pti liv. Bann ki ti ekrir Labib ti ganny enspire par Bondye. Se panse Bondye ki bann zonm ti ekrir, pa zot prop panse. Alor se Bondye, dan lesyel, ki loter Labib, pa bann zonm.—2 Timote 3:16, 17; 2 Pyer 1:20, 21.

3. Bondye in veye ki Labib in ganny byen kopye e byen garde. Labib i liv ki’n ganny plis pibliye dan lemonn. Serten pa pou kontan ler zot konnen ki ou etidye Labib, me pa bezwen dekouraze. Pour viv eternelman ou bezwen aprann lavolonte Bondye e fer li, menm si dimoun i esey anpes ou etidye.—Matye 5:10-12; Zan 17:3.