Labib i reponn

Lekel ki pou al dan lesyel e akoz?

Plizyer milye dimoun i anvi al dan lesyel ler zot mor. Zezi ti dir ki son bann zapot fidel ti pou reste laba. Avan i ti mor, i ti promet ki i ti pou prepar en plas pour zot avek son Papa dan lesyel.​—Lir Zan 14:2.

Akoz dimoun lo later pou ganny resisite pour al dan lesyel? Ki zot pou fer laba? Zezi ti dir son bann zapot ki zot ti pou bann lerwa. Zot pou diriz later.​—Lir Lik 22:28-30; Revelasyon 5:10.

Eski tou bon dimoun i al dan lesyel?

Dan bokou pei, zis en pti group dimoun ki dirize. Vi ki Zezi i resisit dimoun pour al dan lesyel pour ki zot diriz later, nou ekspekte ki i pou napa bokou zot. (Lik 12:32) Labib i dir nou konbyen egzakteman ki pou diriz avek Zezi.​—Lir Revelasyon 14:1.

Pa zis sa bann ki pou al dan lesyel ki pou ganny rekonpanse. Bann sitwayen fidel Rwayonm Bondye pou ganny lavi eternel lo later ki pou’n vin en paradi. (Zan 3:16) Serten pou antre dan Paradi apre ki zot pou’n sirviv destriksyon sa move lemonn ki nou pe viv ladan. Lezot pou resisite pour viv dan Paradi.​—Lir Psonm 37:29; Zan 5:28, 29.

Pour plis lenformasyon, vwar sapit 8 dan sa liv pibliye par Temwen Zeova

Ou kapab download li lo www.jw.org

[Portre lo paz 16]

Zezi in prepar plas dan lesyel pour serten son bann disip. Eski ou konnen ki zot pou fer laba?