Ki Labib i dir?
Kisisa Dyab?
ESKI OU TI POU DIR ki Dyab i . . .
En move lanz?
En reprezantasyon lemal ki dan dimoun?
En personnaz imaziner?
KI LABIB I DIR
Dyab ti fer en konversasyon avek Zezi e i ti ‘tant’ li. (Matye 4:1-4) Alor Dyab pa en personnaz imaziner ni e reprezantasyon le mal. I en move lanz.
KWA ANKOR KI NOU KAPAB APRANN DAN LABIB?
O konmansman, Dyab ti en bon lanz, me “i ti kit laverite.” (Zan 8:44) I ti koz manti e rebel kont Bondye.
Lezot lanz ti zwenn ansanm avek Satan dan sa rebelyon.—Revelasyon 12:9.
Dyab in fer bokou dimoun krwar ki i pa egziste.—2 Korentyen 4:4.
Eski Dyab i kapab kontrol dimoun?
SERTEN DIMOUN I DIR ki zot pa krwar ki Dyab i kapab kontrol dimoun tandis ki lezot i per ganny posede par bann demon. Ki ou panse?
SA KI LABIB I DIR
“Lemonn antye i dan pouvwar dyab.” (1 Zan 5:19) Dyab i annan en gran lenfliyans lo imen, me i pa kapab kontrol tou dimoun.
KWA ANKOR KI NOU KAPAB APRANN DAN LABIB?
Dyab i servi riz pour ogmant son lenfliyans.—2 Korentyen 11:14.
Dan serten ka bann demon i kapab annan kontrol lo dimoun.—Matye 12:22.
Avek led Bondye ou kapab reisi “reziste kont Dyab.”—Zak 4:7.