Kwen Kestyon

◼ Ki mannyer nou devret sanze kan nou pe vizit en rezidans Betel oubyen en biro brans Temwen Zeova?

Ler nou vizit Betel, ki swa pour vizit landrwa oubyen pour vizit manm lafanmiy Betel, “nou resanz, laparans ek kondwit i devret menm parey avek letan nou pe asiste bann renyon pour ladorasyon dan Lasal Rwayonm.” (om 131) Toutfwa, detrwa remark in ganny fer ki kan serten frer ek ser i vizit bann biro brans, zot tant pour sanz dan en fason ki pa konvenab ditou. Sa i pa apropriye kan nou pe vizit sa bann landrwa. Nou labiyman i devret egzanpler, byen annord e modes, ki reflekte en konportman akseptab ek dinite ki apropriye pour bann serviter Zeova Bondye.—1 Tim. 2:9, 10.

Sa i sirtou enportan kan nou pe vizit en rezidans Betel oubyen en biro brans akoz zot atir latansyon en kantite obzervater ki pa Temwen. Baze lo sa ki zot vwar, sa bann dimoun i kapab devlop diferan lopinyon lo pep Bondye ek son lorganizasyon. I pou byen si nou koz avek bann etidyan Labib ek lezot ki kapab vizite pour rapel zot lenportans pour port latansyon lo zot resanz ek laparans. Lafanmiy Betel pou apresye si ou fer sa.

Konman bann minis Kretyen, nou devret fer atansyon ki _lafason ki nou abiye pa fer personn tonbe. (2 Kor. 6:3, 4) Okontrer, par nou bon laparans, annou toultan “fer loner lansennyman lo Bondye, nou Sover.”—Tit 2:10.