Akoz nou annan Lanmour pour Toute la communauté de nos frères
Dan sa monn ozordi ki napa lanmour, ki mannyer nou kapab les nou lanmour kontinyen briye pour nou bann frer ek ser spirityel? (1 Pyer 2:17) Ki mannyer nou kapab montre lezot ki nou vreman annan en lasosyasyon frer enternasyonal partou dan lemonn? (Mat. 23:8) Par servi sa video Toute la communauté de nos frères. I montre bann rezon akoz nou annan lanmour pour kanmarad. Gete si ou kapab reponn sa bann kestyon:
(1) Ki sa trwa aktivite ki nou annan an komen avek nou lasosyasyon frer enternasyonal? (2) Konman ki nou bann frer pe montre zot determinasyon pour prese (a) Alaska, (b) dan bann gran por Lerop, e (c) dan bann gran lafore an Perou? (3) Lekel sa zouti temwannyaz ki partikilyerman efikas? (4) Akoz nou pa devret zanmen panse ki predikasyon i zis en travay ordiner? (5) Donn bann legzanp ki mannyer bann Temwen Zeova in konsol e siport kanmarad dan bann letan detres—bann tranbleman-d-ter, siklonn, ek bann lager sivil. (Vwar komanter Takao lo paz 23 dan Réveillez-vous! le 22 Out, 1995 ek komanter Kotoyo lo paz 20 dan Réveillez-vous! le 22 Oktob, 1996.) (6) Dan ki fason pratik ki nou tou nou kapab demontre sa gran mark ki idantifye nou lasosyasyon frer Kretyen? (Zan 13:35) (7) Ziska ki degre nou devret apresye nou bann renyon kongregasyon? (8) Ki lefe en Lasal Rwayonm pour reini i fer lo sa bann ki ti napa enn oparavan? (9) Ki mannyer nou bann frer dan Les Lerop ek Larisi in sirviv spirityelman kan zot ti anba restriksyon? (10) Menm konmela, ki zefor remarkab bokou Temwen i fer pour asiste bann lasanble, e akoz? Konman ki sa in tous ou leker? (11) Akoz ou determinen pour ador ansanm dan linite, pour ed lezot kan i neseser, e pour pres fidelman nenport moman e nenport fason ki ou kapab? (12) Akoz i pou apropriye pour annan en kopi personnel sa video e montre li avek otan dimoun enterese?