Benefisye plennman avek bann Renyon Predikasyon

1. Ki mannyer randevou predikasyon i kapab ed nou?

¹ Bann renyon efikas avan sorti an predikasyon i anmenn lankourazman ek lenstriksyon pratik dan nou minister. Sa i permet nou pour partisip dan predikasyon an group pour nou kapab travay pour soutenir e form kanmarad. (Prov. 27:17; Ekle. 4:9, 10) Ki nou kapab fer pour benefisye plennman avek sa bann pti renyon?

2. Ki serten keksoz sa kondikter i kapab egzaminen?

² Sa Kondikter: An zeneral, bann lenformasyon spesifik ki pou ganny diskite dan sa renyon pa ganny dir davans. Se pour sa ki i neseser fer en bon preparasyon si ou sa kondikter. Pa bezwen plàn pour egzamin teks pour lazournen si i pa neseser. Me ou kapab deside pour enkli li dan ou diskisyon si i annan pour fer direkteman avek predikasyon. Mazin lo led pratik ki ou kapab anmennen pour sa bann ki pou prese sa zour. Par egzanp ou kapab diskite oubyen fer en demonstrasyon baze lo en prezantasyon. Ou kapab swazir pour revwar en sizesyon dan liv Reasoning, liv Lekol Minister oubyen en prezantasyon resan dan en renyon servis. Parfwa ou kapab vwar ki mannyer pour sirmont en lobzeksyon ki kapab arive dan ou teritwar. Ou kapab osi diskit lo ki mannyer pour devlop lentere e konmans bann letid Labib sirtou si bokou proklanmater pe al fer bann retourn vizit. Dan tou sirkonstans gard ou lantouzyasm e reste pozitif.

3. Ki kantite letan sa randevou i bezwen dire, e kwa ki devret ganny fer pandan sa letan?

³ Konmans ou renyon predikasyon aler menm si ou konnen serten pou ariv an retar. Servi bon zizman ler ou pe organiz group e donn teritwar avek sa bann ki bezwen. Sa renyon pa devret depas plis ki 10 a 15 minit e i devret ganny rakoursi si i apre en renyon kongregasyon. Avan sa renyon i fini, tou dimoun i bezwen konnen kote e avek lekel i pou travay. Sa renyon i devret termin par lapriyer.

4. Kwa ki pou ed tou dimoun benefisye plennman avek sa randevou predikasyon?

⁴ Zot kapab ede: Parey avek bann renyon kongregasyon nou devret montre respe pour Zeova ek konsiderasyon pour lezot par ariv aler. Partisip dan sa diskisyon. Ou kapab les sa kondikter donn ou en dimoun pour travay avek oubyen ou kapab deside pour fer ou prop laranzman avan sa randevou. Si ou fer ou prop laranzman, fer zefor pour ‘ouver gran ou leker’ par travay avek diferan proklanmater olye ki zis avek bann zanmi pros. (2 Kor. 6:11-13) Enn fwa renyon i fini, evite sanz sa laranzman, epi al dan ou teritwar vitman.

5. Ki bi renyon predikasyon?

⁵ Bi sa renyon i parey avek lezot renyon kongregasyon. Zot in ganny fer pour ki nou kapab “rode konman pous kanmarad pour annan lanmour e fer sa ki byen.” (Ebr. 10:24, 25) Si nou fer zefor pour tir profi dan sa bann renyon, sa pou ed nou pour byen akonpli nou travay predikasyon. Anfet sanmenm sa ‘fer sa ki byen’!