“Ki ou pou reponn?”
1. Ki kalite difikilte bokou nou i fer fas avek?
1 Eski ou kontan Parol Bondye me ou vwar li difisil pour mazin bann detay lo bann resi dan Labib oubyen kote bann parol spesifik i ganny rikorde dan Labib? Eski ou ti pou kontan ki ou zanfan i byen konpran bann fe ek lansennyman debaz lo Labib? Sa seksyon “Ki ou pou reponn?” pibliye tou le mwan lo paz 31 dan Awake! i kapab ed zenn konman vye pour pli byen konn Parol Bondye.—Akt 17:11.
2. Ki mannyer sa bann diferan parti dan sa seksyon “Ki ou pou reponn?” i kapab ganny servi?
2 Ki mannyer nou kapab pli byen servi sa seksyon? Awake! Zanvye 2006 ti fer sa bann sizesyon swivan: “Pran en pe letan pour get paz 31 . . . Serten parti pou atir bann zenn lekter; e lezot pou teste konnesans bann etidyan Labib pli avanse. Sa parti ‘Kan dan Listwar?’ pou ed ou kree en laliny kronolozik ki montre kan bann dimoun dan Labib ti viv e kan bann levennman pli enportan ti arive. Bann larepons pour sa parti ‘Dan sa Magazin,’ pou ganny trouve toudilon sa magazin, larepons laplipar lezot kestyon pou aparet lo en paz dan sa menm magazin, kot zot pou ganny enprimen latet anba. Akoz ou pa fer serten resers avan ou lir sa bann larepons e apre partaz sa ki ou’n aprann avek lezot? Ou kapab menm servi sa nouvo seksyon, ‘Ki ou pou reponn?’ konman en baz pour bann diskisyon lo Labib an fanmiy oubyen an group.”
3. Ki mannyer serten fanmiy in benefisye avek sa seksyon, e ki parti ou pli kontan?
3 Annefe, bokou fanmiy i kontan servi sa seksyon konman en baz pour letid fanmiy. En manman ti ekrir: “Mon msye ek mwan ti mazinen ki i ti pou en bon nide pour enkli sa parti, ‘Portre pour Zanfan rode’ dan nou letid fanmiy pour gard li vivan e enteresan pour nou pti fiy trwa zan. I vreman gou pour get li avek leksitasyon pran son kopi Awake! e vir tou sa bann paz ziska i trouv sa ki i pe rode.” En papa Brezil ti dir: “Mon garson set an ek mwan nou kontan sa seksyon dan Awake! en kantite. I’n ed Moises pour port latansyon, pour rod bann verse Labib, pour konpran mesaz ki sa bann portre i oule fer resorti, e pour konpran bann dat.” Ashley, aze wit an i ekrir: “Mersi pour sa seksyon ‘Ki ou pou reponn?’ avan dernyen paz dan Awake! Mon’n aprann en kantite lo Labib atraver sa seksyon.”
4. Ki mannyer en fanmiy i kapab servi sa seksyon dan zot letid fanmiy?
4 Akoz ou pa servi sa seksyon “Ki ou pou reponn” tanzantan dan ou letid fanmiy? Ou kapab servi Index oubyen Watchtower Library lo CD-ROM pour rod larepons bann kestyon pli difisil. Par fer sa, ou pou ansenny ou zanfan ki mannyer pour fer resers. Si ou annan gran zanfan, akoz ou pa demann zot pour fer sa ki pli konplike parey rod larepons pour “Lekel mwan?” oubyen “Kan dan Listwar” avan letid fanmiy? Apre zot kapab partaz zot resers pandan letid. En fason pour paran fer antre Parol Bondye dan zot zanfan, e ed zot pour konn “Lekritir sakre” depi zot lanfans i par servi sa seksyon “Ki ou pou reponn?” dan en fason efikas.—2 Tim. 3:15; Det. 6:7.