Eski ou kapab fer plis dan servis?
1. Ki bezwen irzan i annan dan predikasyon e akoz?
1 Apre ki i ti’n remark lentere ki plizyer dimoun ti demontre anver sa bon nouvel lo Rwayonm, Zezi ti enstrir son bann disip pour “sipliy met rekolt pour anvoy zouvriye.” (Mat. 9:37, 38) Vi ki nou dan bann letan final lasezon rekolt, nou travay in vin pli irzan ki oparavan. Sa i vedir ki avek led lapriyer nou devret egzaminen ki mannyer nou kapab partisip pli plennman dan predikasyon.—Zan 14:13, 14.
2. Ki mannyer serten ti reazir anver sa demann pour plis zouvriye dan plantasyon?
2 Konman pour fer plis dan servis: Avek gidans ek led Zeova, bokou dimoun in vwar li posib pour pran servis pionye. (Ps. 26:2, 3; Fili. 4:6) Serten ti fer zefor spesyal pour pran servis pionye asistan pour enn oubyen pour plis ki en mwan dan en lannen. Sa ti en bon fason pour zot fer plis dan minister. Sa lazwa ki zot ti gannyen ler zot ti pran servis pionye asistan ti fer bokou parmi zot konsider sa posibilite pour vin bann pionye ordiner.—Akt 20:35.
3. Si ou ti fer pionye oparavan, ki ou kapab mazin lo la aprezan?
3 Eski ou kapab repran servis pionye?: Si oparavan ou ti fer pionye, san dout ou ankor rapel sa bann bon moman. Eski dan lapriyer ou’n mazin lo sa posibilite pour repran ou servis konman en pionye? Sa bann sirkonstans ki ti fer ou aret ou servis pionye i kapab nepli en lobstak pour ou. I kapab ki loportinite i la pour ou apresye sa privilez spesyal ankor enn fwa.—1 Zan 5:14, 15.
4. Ki loportinite spesyal nou tou nou annan?
4 Sa travay rekolt pe byen ganny akonplir e byento i pou terminen. (Zan 4:35, 36) Nou tou, annou egzamin nou sityasyon aktyel pour vwar si nou kapab aziste nou progranm pour ki nou kapab partisip plis dan predikasyon. Ouswa si senserman nou pa vwar okenn fason pour fer plis dan nou servis, eski nou kapab rod lezot fason pour vin pli efikas? (Mark 12:41-44) Pa i vreman en gran privilez ki’n ganny plase devan tou sa bann ki zot sirkonstans aktyel i permet zot les Zeova servi zot dan sa privilez spesyal!—Ps. 110:3.