Ki non Bondye i ganny sanktifye
1. Ki tenm progranm lasanble rezyonnal pour lannen servis 2012 e lo kwa i baze?
1 Pa i en privilez pour nou port non Zeova, Souvren Liniver! Se Bondye li menm ki’n fer nou port son non konman Temwen Zeova e depi 1931 nou’n ganny idantifye avek non Bondye. (Iza. 43:10) Zezi, sel Garson Bondye ti vreman annan en gran respe pour non Bondye e i ti mansyonn sa non an premye dan sa model lapriyer. (Mat. 6:9) Parol Zezi i ganny servi konman tenm pour progranm lasanble rezyonal pour lannen servis 2012. Tenm sa lasanble i: “Ki ou non sen i ganny sanktifye.”
2. Ki nou enpasyan pour tande?
2 Ki nou pou tande: Sa diskour ki pou ganny fer Sanmdi, ki annan pour tit: “Fer konnen non Bondye atraver servis a plen tan,” pou montre ki mannyer sa servis i anmenn satisfakyon dan nou lavi. Nou pou osi ekout en diskour an plizyer parti ki annan pour tit: “Fer atansyon pour pa anmenn repros lo non Zeova” ki pou ed nou evite tonm dan kat kalite latrap. I pou annan de kestyon ki pou ganny reponn pandan en diskour ki annan pour tit: “Pour ki rezon non Bondye i bezwen ganny sanktifye.” Sa de kestyon i: Kwa ki pou ed nou pres avek devouman ler dimoun pa paret enterese avek nou mesaz? e Kwa ki pou ed nou pour vin efikas dan nou minister? Dimans pou annan en diskour an kat parti lo konman nou kapab sanktifye non Bondye par nou panse, parol, desizyon ek kondwit. Bann nouvo pou sertenman apresye sa diskour piblik ki annan pour tit: “Zeova pou sanktifye son gran non zour Armagedon.”
3. Ki privilez nou annan e ki mannyer sa progranm lasanble pou ed nou?
3 Tre byento, Zeova pou pran aksyon pour sanktifye son non. (Ezek. 36:23) Antretan, nou annan sa gran privilez pour siport tou sa ki non sen Zeova i reprezante. Nou asire ki sa progranm lasanble rezyonal pou ed sakenn de nou pour desarz sa gran responsabilite ki nou annan konman bann dimoun ki pe port non Bondye.