Koz lo en topik, me ofer tou le de magazin

Dan tou le de magazin pour sak mwan i annan diferan topik enteresan. Olye koz lo diferan size kot sak laport, normalman i pli bon koz lo zis enn. Si nou obzervan e nou konnen ki i annan dan nou bann magazin, nou kapab swazir en topik dan Latour Veyer ouswa Awake! ki kapab enteres sa met lakour. Par egzanp, si i annan zouzou manrmay anndan ouswa otour lakaz, nou kapab swazir en lartik ki koz lo lavi fanmir. Si en msye ki sorti, nou kapab koz lo en size ki enteres bann zonm tel ki en bon gouvernman. Menm si nou kapab pe koz lo zis en topik, nou devret normalman ofer tou le de magazin avek sa met lakour si i demontre lentere.