Prezantasyon

Pour konmans letid Labib premye Sanmdi Desanm

“Bokou dimoun i anvi Zezi i retournen. Me si Zezi i retournen, ki keksoz ou ti pou kontan i fer?” Les sa dimoun reponn. Montre li dernyen paz Latour Veyer le 1 Desanm e vwar ansanm sa premye kestyon ek omwen en verse Labib. Ofer bann magazin e fer laranzman pour retournen e diskit sa kestyon ki swiv.

Latour Veyer Novanm-Desanm

“Nou pe fer en pti vizit kot bann dimoun ozordi. Bokou ki nou’n koz avek i dir ki en sityasyon pli difisil ki zot in fer fas avek se lanmor en dimoun ki zot ti kontan. Eski ou osi ou santi parey? [Les sa dimoun reponn.] Mon’n vwar sa ankourazan.” Montre li dernyen paz Latour Veyer Novanm-Desanm e vwar ansanm sa premye kestyon ek omwen en verse Labib. Ofer bann magazin e fer laranzman pour retournen e diskit sa kestyon ki swiv.

The Watchtower 1 Desanm

“Lefet ki bokou dimoun i tre okipe ozordi alor sa i fer li difisil pour zot mazin Bondye. Eski ou krwar ki nou bezwen Bondye dan nou lavi? [Les sa dimoun reponn.] Dan son sermon lo montanny, Zezi ti dir ki nou bezwen keksoz spirityel pour vreman ere. [Lir Matye 5:3.] Sa magazin i donn trwa rezon akoz nou bezwen Bondye.”

Awake! Desanm

“Pour bokou nou, nou lopinyon i baze lo sa ki nou tande dan nouvel oubyen lir dan zournal. Eski ou krwar sa bann lenformasyon ki nou gannyen i egzakt e vre? [Les sa dimoun reponn.] Labib i averti nou pour pa krwar tou sa ki nou tande. [Lir Zob 12:11.] Sa magazin i donn bann sizesyon ki pou ed nou egzamin sa bann parol ki nou tande e lir.”