Amelyor nou abilite pour prese​—Rann temwannyaz avek en dimoun ki koz en lot langaz

Akoz i enportan: Zeova i enterese avek byennet spirityel tou dimoun “dan nenport ki nasyon.” (Akt 10:34, 35) Alor, Zezi ti dir ki sa bon nouvel ti pou ganny prese “partou dan lemonn.” (Mat. 24:14) Zekarya ti profetize ki dimoun “dan tou langaz bann nasyon” pou aksepte sa bon nouvel. (Zeka. 8:23) Selon sa vizyon ki zapot Zan ti gannyen, bann ki sirviv sa gran ladetres pou enkli bann dimoun ki “sorti dan tou nasyon, tribi, pep ek lalang [langaz, not anba paz.].” (Rev. 7:9, 13, 14) Akoz sa, kan nou zwenn en dimoun dan nou teritwar ki koz en lot langaz, nou devret esey rann temwannyaz avek li.