VIV KONMAN EN KRETYEN
Loue Zeova dan tou sa ki ou fer!
Lavi i en kado presye. Lafason ki nou viv nou lavi i montre ki kantite nou apresye li. Konman Temwen Zeova, nou fer zefor pour servi nou bann talan ek abilite pour onor e glorifye Zeova, sa Enn ki’n donn nou lavi. (Ps 36:9; Re 4:11) Par kont, bann traka sa move lemonn i kapab fer nou pa vwar bann lobzektif spirityel konman pli enportan. (Mr 4:18, 19) Nou tou nou devret demann nou lekor: ‘Eski mon pe donn Zeova mon meyer? (Os 14:2) Eski mon karyer oubyen mon travay pe afekte mon servis pour Zeova? Ki mon lobzektif spirityel? Ki mannyer mon kapab fer plis dan predikasyon?’ Si ou vwar ki ou bezwen fer serten amelyorasyon, demann Zeova led dan lapriyer e apre fer bann azisteman neseser. San dout, nou pou viv en lavi ki satisfezan e trouv lazwa si nou loue Zeova tou nou lavi.—Ps 61:8.
Avek lekel ki ou pe ofer ou talan oubyen abilite?
GET SA VIDEO USE YOUR TALENT FOR JEHOVAH E APRE REPONN SA BANN KESTYON SWIVAN:
Akoz i pa saz pour servi ou talan oubyen abilite dan lemonn Satan? (1Zan 2:17)
Ki byenfe bann ki donn Zeova zot meyer i gannyen?
Ki mannyer mon kapab servi mon talan oubyen mon abilite dan mon servis pour Zeova?