“Lanmour . . . i toultan annan lespwar”

Vi ki nou annan lanmour senser, nou annan lespwar ki nou bann frer ek ser pou fer sa bon swa. (1Ko 13:4, 7) Par egzanp, si en frer i komet en pese e i ganny disiplinen, nou annan lespwar ki i pou aksepte disiplin e fer bann sanzman. Nou annan pasyans avek bann ki zot lafwa i feb e nou esey ed zot. (Ro 15:1) Si en dimoun i kit kongregasyon, nou kontinyen annan lespwar ki en zour i pou retournen.​—Li 15:17, 18.

GET SA VIDEO MAZINEN KI MANNYER LANMOUR I ETE​—I TOULTAN ANNAN LESPWAR. APRE REPONN SA BANN KESTYON SWIVAN:

• Ki mannyer fidelite Abner ti sanze?

• Ki mannyer David ti reazir anver sa ki Abner ti demande e ki mannyer Zoab ti reazir?

• Akoz nou devret annan lespwar ki nou bann frer ek ser pou fer sa ki byen?