VIV KONMAN EN KRETYEN

Konman pour pli byen servi sa liv Viv ere pour touzour!?

Eski ou apresye bann video ek kestyon pour konn pwennvi en dimoun ki dan sa liv Viv ere pour touzour!? Eski ou kontan servi sa seksyon “Serten dimoun i dir,” “Lobzektif,” ek “Fer plis resers”? Ki lezot keksoz ou’n vwar ki kapab ed ou ler ou pe fer en letid Labib?—Mt 28:19, 20.

Sa liv “Viv ere pour touzour!” lo app “JW Library”. En portre i montre seksyon “Medya pour Parti 1.”

Medya: Si ou prefere servi en liv enprimen pour fer en letid Labib, ki mannyer ou kapab fasilman ganny akse avek bann video ek lezot medya dan menm landrwa? Dan sa liv elektronik, swazir enn dan sa kat parti. Anba lalis bann leson, ou kapab swazir tou bann medya pour sa parti. (Vwar portre 1.)

“Printed Edition”: Si ou pe servi en lekipman elektronik pour fer en letid Labib avek en dimoun, sa fonksyon “Printed Edition” lo app JW Library i kapab ed ou ler ou pe fer letid. Ler ou dan en leson, tous lo sa trwa pti pwen ki anler lo paz e swazir “Printed Edition.” Sa fonksyon i kapab ed ou gard antet ki mannyer sa ki ou pe diskite i relye avek tenm sa leson. Pour retourn lo sa fonksyon “Digital Edition,” tous lo sa trwa pti pwen ankor e swazir “Digital Edition.”

Sa liv “Viv ere pour touzour!” lo app “JW Library”. En portre i montre seksyon “Eski mon’n pare?” ek “Lezot lenformasyon.”

“Eski mon’n pare?”: Sa bann bwat ver lafen sa liv i donn bann lenformasyon pou montre si ou’n pare pour pres avek kongregasyon e pour ou batize. (Vwar portre 2.)

Lezot lenformasyon: Lezot lenformasyon i donn leksplikasyon lo serten size enportan. Dan sa liv elektronik i annan en link a lafen sak lezot lenformasyon ki pour fer ou retourn kot ou ti ete dan sa leson. (Vwar portre 2.)

Fer sir ki ou fini etidye sa liv Viv ere pour touzour! avek en etidyan Labib ki pe fer progre, menm si i’n fini batize. Ou kapab kontinyen kont ou letan, retourn vizit ek letid menm apre ki sa etidyan in batize. Si en proklanmater i asiste e partisip dan sa letid, li osi, i kapab kont son letan