En Sizesyon Pour Etidye

Ki ou devret etidye premye?

Nou tou nou napa bokou letan pour fer letid personnel. Alor, ki mannyer nou kapab byen servi sa letan ki nou annan? Premyerman, pran ou letan. Ou pou ganny plis byenfe si ou pran letan pour etidye en ptigin lenformasyon dan plas si ou lir en kantite lenformasyon vitman.

Apre, annan bann priyorite. (Efe. 5:15, 16) Annou vwar detrwa sizesyon:

• Lir Labib toulezour. (Ps. 1:2) Petet i ti pou byen pour konmans avek bann sapit ki pou ganny etidye dan renyon pour lasemenn.

• Prepare pour letid Latour Veyer e pour renyon lasemenn. Esey prepar byen pour ou kapab donn en larepons.​—Ps. 22:22.

• Esey reste azour avek bann dernyen manze spirityel, par egzanp lir bann magazin ki’n ganny fer pour piblik, get bann video e osi bann keksoz ki ganny pibliye lo jw.org.

• Fer resers lo en topik ki enteres ou. Ou kapab fer resers lo en problenm ki ou pe fer fas avek, lo en kestyon ki ou annan oubyen lo en topik dan Labib ki ou ti a kontan konpran pli byen. Pour ganny bann sizesyon, al lo jw.org dan sa seksyon “Bible Study Activities.”