Annan plis konfyans ki Zeova i kapab sov ou

Lir Nonm 13:25–14:4 ki montre ki bann Izraelit ti napa konfyans dan Zeova.

Analiz konteks. Akoz bann Izraelit ti’n devret annan konfyans ki Zeova i kapab sov zot? (Ps. 78:12-16, 43-53) Kwa ki ti’n fer zot perdi konfyans dan Zeova? (Det. 1:26-28) Ki mannyer Zozye ek Kaleb ti montre ki zot ti annan konfyans dan Zeova?—Nom. 14:6-9.

Rod plis detay. Ki bann Izraelit ti’n kapab fer pour devlop plis konfyans dan Zeova? (Ps. 9:10; 22:4; 78:11) Akoz i neseser pour annan respe pour Zeova pour nou kapab annan konfyans dan li?—Nom. 14:11.

Ki ou’n aprann? Demann ou lekor:

• ‘Kan ki i kapab difisil pour mwan annan konfyans total dan Zeova?’

• ‘Ki mon kapab fer pour annan plis konfyans dan Zeova la konmela e dan lavenir?’

• ‘Ki mon asire anmezir ki gran ladetres i aprose?’—Lik 21:25-28.