Not anba lo paz

a Pandan ki zot pe siport Rwayonm Bondye, bann Temwen Zeova pa enplike dan politik oubyen ankouraz rebelyon kont bann gouvernman lemonn, menm dan bann pei kot bann Temwen in ganny enterdi oubyen persekite. (Tit 3:1) Plito, zot esey fer en kontribisyon pozitif, spirityel, e ki napa nanryen pour fer avek politik zis parey Zezi ek son bann disip premye syek ti fer. Bann Temwen i fer tou zot zefor pour ed bann dimoun ki byen dispoze dan zot diferan kominote pour adopte bann valer Biblik ki bon, tel konman lanmour familyal, lonnekte, lapropte moral, ek en bon latitid travay. An zeneral, zot esey ansenny bann dimoun konman pour swiv bann prensip Labib e pour konsider Rwayonm Bondye konman vre lespwar pour limanite.