Not anba lo paz

b Danyel 1:8, 11-15, 20: “⁸ Me Danyel ti’n determinen dan son leker ki i pa ti pou sali son lekor avek bann bon manze lerwa oubyen sa diven ki i ti bwar. Alor i ti demann permisyon avek zofisye prensipal lakour pour ki i pa sali li dan sa fason.” “¹¹ Me Danyel ti dir avek sa gardyen ki zofisye lakour prensipal ti’n apwente pour sirvey Danyel, Ananya, Misael e Azaria: ¹² ‘Silvouple, teste ou bann serviter pour dis zour e les zot donn nou en pe legim pour manze ek delo pour bwar, ¹³ apre konpar nou laparans avek laparans bann zenn ki pe manz bon manze lerwa e azir avek ou serviter dapre sa ki ou vwar.’ ¹⁴ Alor i ti dakor avek sa ki zot ti’n propoze e i ti teste zot pour dis zour. ¹⁵ A lafen sa dis zour zot laparans ti pli mye e pli an bonn sante ki tou sa bann zenn ki ti pe manz bon manze lerwa.” “²⁰ Dan tou keksoz ki ti demann lasazes ek konprenezon ki lerwa ti pou demann zot, i ti vwar zot dis fwa pli bon ki tou sa bann pret ki ti fer mazik ek bann ki ti envok demon dan son rwayonm antye.”