Not anba lo paz

a Ler Zezi ti koz lo sa siny konsernan bann dernyen zour avek son bann disip, i ti servi plizyer legzanp. I enteresan pour note ki i ti premyerman refer avek “sa lesklav fidel e pridan” sa pti group Kretyen swazir ki ti pou diriz pep Bondye. (Matye 24:45-47, NW) Apre i ti koz lo bann legzanp ki ti pe refer avek bann disip swazir. (Matye 25:1-30) Finalman, i ti koz konsernan bann ki ti pou siport bann frer Kris e ki ti pou viv lo later pour touzour. (Matye 25:31-46) Pareyman, ler profesi Ezekyel ti konmans ganny akonplir dan nou letan, i ti premyerman aplik pour bann ki ti annan lespwar pour viv dan lesyel. Menm si sa dis tribi Izrael pa neseserman reprezant bann ki pou viv lo later, sa linite ki ti ganny dekrir dan sa profesi, i rapel nou sa linite ki egziste ant zot ek bann Kretyen swazir.