Psonm
En sanson David. En kantik linogirasyon lakaz.*
30 O Zeova, mon pou glorifye ou parski ou’n delivre mwan.*
Ou pa’n les mon bann lennmi selebre akoz mwan.
2 O Zeova mon Bondye, mon ti demann ou led e ou ti geri mwan.
3 O Zeova, ou’n fer mwan sorti dan Latonm.*
Ou’n gard mwan vivan e ou’n anpes mwan tonm dan trou.*
4 Zot son bann fidel, sant kantik* pour loue Zeova.
Glorifye son non* sen.
5 Parski i ankoler avek en dimoun, zis pour en pti moman,
Me i demontre son labonte tou dilon lavi en dimoun.
En dimoun i kapab plere aswar, me bomaten i kriye avek lazwa.
6 Ler tou ti al byen, mon ti dir:
“Mon pa pou zanmen tonbe.”*
7 O Zeova, ler mon ti annan ou benediksyon,* ou ti fer mwan for parey en montanny.
Me ler ou ti kasyet ou figir, mon ti vreman per.
8 O Zeova mon ti kontinyen priy ou
E mon ti kontinyen sipliy Zeova pour son benediksyon.
9 Ki lavantaz i annan si mon mor e desann dan trou?*
Eski lapousyer pou loue ou? Eski i pou koz lo ou fidelite?
10 O Zeova ekout mwan e demontre labonte anver mwan.
O Zeova, ed mwan.
11 Ou’n tir mwan dan dey e fer mwan danse avek lazwa.
Ou’n tir latwal goni* lo mwan e abiy mwan avek lazwa,
12 Pour ki mon* sant kantik pour loue ou e pa reste trankil.
O Zeova mon Bondye, mon pou loue ou pour touzour.